ايماقتار • 24 ماۋسىم، 2021

شىمكەنتتە ينفراقۇرىلىم ماسەلەسى قاشان شەشىلەدى؟

16 رەت كورسەتىلدى

شىمكەنتتە 2023 جىلى ينفراقۇرىلىم ماسەلەسى تولىق شەشىلەدى. شىمكەنت قالاسىنىڭ اكىمى مۇرات ايتەنوۆ جۋرناليستەرمەن وتكىزگەن كەزدەسۋىندە مالىمدەدى، دەپ حابارلايدى Egemen.kz.

سوڭعى ءۇش جىلدا ەلىمىزدەگى رەسپۋبليكالىق ماڭىزى بار ءۇشىنشى قالادا 853،5 شاقىرىم جول توسەلدى. بۇرىن مۇنشا كولەمدەگى جول 10 جىلدا سالىنعان، دەپ اتاپ ءوتتى شاھار باسشىسى.

«تۋرا ءۇش جىل بۇرىن، وسى ايدىڭ ون توعىزىنشى جۇلدىزىندا ەلباسى نۇرسۇلتان ءابىش ۇلى نازارباەۆتىڭ جارلىعىمەن شىمكەنتكە رەسپۋبليكالىق قالا مارتەبەسى بەرىلدى. بۇل تاريحي شەشىم شىمكەنتتىڭ تىنىسىن اشتى دەسەم، ارتىق ايتقانىم ەمەس. سونىڭ ىشىندە، قالا بيۋدجەتى 131،2 ميلليارد تەڭگەدەن بيىل 481،6 ميلليارد تەڭگەگە جەتەدى دەپ كۇتىلۋدە، ياعني ءوسىم 3،7 ەسە. كاسىپكەرلىك سالاسىندا ينۆەستيتسيا كولەمى 1،9 ەسەگە ءوسىپ، 214 ميلليارد تەڭگەدەن بيىل 400 ميلليارد تەڭگەگە جەتەمىز دەپ وتىرمىز. ونەركاسىپ ءونىم كولەمى 425 ميلليارد تەڭگە بولسا، جىل سوڭىندا 710 ميلليارد تەڭگە بولادى دەپ كۇتىلىپ وتىر. ال تۇرعىن ءۇيدى ءبىر ميلليونعا شارشى مەترگە جەتكىزۋدى جوسپارلاپ وتىرمىز. مۇنىڭ بارلىعى سوڭعى ءۇش جىلداعى اتقارىلعان اۋقىمدى جۇمىستار»، دەدى مۇرات دۇيسەنبەك ۇلى.

قالا اكىمى شىمكەنتتىڭ ەكونوميكالىق ءوسىمى ينفراقۇرىلىمعا قارقىن بەرگەنىن اتاي كەلە، 2023 جىلى بۇل سالاداعى تۇرعىنداردى مازالاعان وزەكتى ماسەلەلەر تولىق شەشىلەتىنىن جەتكىزدى.

ماسەلەن، شاھاردا ءۇش جىلدا، بيىلدى قوسىپ ەسەپتەگەندە، 18 تۇرعىن الابى اۋىز سۋعا قوسىلىپ، 60 مىڭ ادام ساپالى اۋىز سۋمەن قامتىلعان. 7 تۇرعىن الابى تابيعي گازعا قوسىلىپ، 29 500 ادام كوگىلدىر وتىنعا قول جەتكىزگەن.

«2023 جىلعا دەيىن حالىق 100 پايىز ساپالى اۋىز سۋعا، 100 پايىز تابيعي گازعا، 2025 جىلعا دەيىن 100 پايىز ساپالى ەلەكتر قۋاتىنا قوسىلادى» دەي كەلە مۇرات دۇيسەنبەك ۇلى تاۋەلسىزدىگىمىزدىڭ 30 جىلدىعى قارساڭىندا شىمكەنت قالاسىنا ەرەكشە قامقورلىق كورسەتىپ كەلە جاتقان ەلباسىنىڭ قالا دامۋىنداعى وراسان ءرولىن شىمشاھار تۇرعىندارى ايرىقشا باعالايتىنىن ايتتى.

سوڭعى جاڭالىقتار

شىعىس «قىزىل» ايماقتا

ايماقتار • كەشە

تسيفرلى تەڭگە جوباسى تالقىلاندى

ەكونوميكا • 23 شىلدە، 2021

اقپاراتتىق حابارلاما

ەگەمەن قازاقستان • 23 شىلدە، 2021

ۇقساس جاڭالىقتار