ءىس-شارا قازاقستان رەسپۋبليكاسى تاۋەلسىزدىگىنىڭ 30 جىلدىعىن اتاپ ءوتۋ اياسىندا ۇيىمداستىرىلدى. جازعى مەكتەپتىڭ اشىلۋ سالتاناتىندا پرەزيدەنت ءارحيۆىنىڭ ديرەكتورى ءجاميلا ابدىقادىروۆا, رەسەي مەملەكەتتىك گۋمانيتارلىق ۋنيۆەرسيتەتىنىڭ عىلىمي جۇمىس بويىنشا ءبىرىنشى پرورەكتورى ولگا پاۆلەنكو, ءال-فارابي اتىنداعى قازاق ۇلتتىق ۋنيۆەرسيتەتى تاريح فاكۋلتەتىنىڭ دەكانى مەڭدىگۇل نوعايباەۆا, بۇكىلرەسەيلىك ارحيۆ ءىسى جانە قۇجاتتانۋ عىلىمي-زەرتتەۋ ينستيتۋتىنىڭ ديرەكتورى پاۆەل كيۋنگ, پرەزيدەنت ءارحيۆىنىڭ جانىنداعى قوعامدىق كەڭەس توراعاسى بوريس جاپاروۆ فورۋم قاتىسۋشىلارىنا ارناپ قۇتتىقتاۋ ءسوز سويلەدى.
قازاقستان رەسپۋبليكاسى پرەزيدەنتى كەڭسەسىنىڭ باسشىسى نۇرلان وڭجانوۆتىڭ جازعى مەكتەپ قاتىسۋشىلارى مەن قوناقتارىنا قۇتتىقتاۋ ءسوزى وقىلىپ, وندا قۇجاتتانۋ ءۇردىسىن تسيفرلاندىرۋ مەن ودان ءارى جەتىلدىرۋگە بايلانىستى بىرقاتار ماسەلەلەردى قاراستىرۋ, IT تەحنولوگيالار سالاسىنىڭ بىلىكتى ماماندارى مەن بەدەلدى ساراپشىلارىن تىڭداۋ مۇمكىندىگىنە توقتالىپ, مازمۇندى پىكىرتالاسقا قاتىسىپ, باعالى تاجىريبە الماسۋعا شاقىردى. ءارحيۆشى ماماندارمەن وتەتىن مۇنداي كەزدەسۋلەر ارحيۆ ىسىندەگى ءداستۇردى ساقتاپ, دامۋ باسىمدىقتارىنىڭ قالىپتاسۋىنا, نىعايتىلۋىنا اكەلەتىنىن ايتتى.
كورەيا ۇلتتىق ءارحيۆىنىڭ پرەزيدەنتى دجە حي چوي (Jae-Hee Choi) فورۋم تاقىرىبىنىڭ تسيفرلى داۋىردەگى وزەكتىلىگىن اتاپ ءوتىپ, قاتىسۋشىلاردىڭ جۇمىسىنا تابىس تىلەپ, قۇتتىقتاۋ جولدادى.
بۇگىنگى كۇندەگى تسيفرلاندىرۋمەن بايلانىستى بۇكىل الەمدەگى اۋقىمدى وزگەرىستەر قۇندى اقپاراتتاردى ساقتاۋعا باعىتتالعان پارمەندى شارالاردى قاجەت ەتەدى. مالىمەتتەردىڭ جويىلۋ قاۋپى جوعارى بولسا, سالدارى اپاتقا اكەلەدى. سوندىقتان بۇگىندە اقپاراتتىڭ تۇپدەرەكتەرىن ساقتاۋدىڭ بىلىكتى ماماندارى – ارحيۆشىلەرگە دەگەن تالاپتار وسۋدە, ال ءبىزدىڭ مەملەكەتتەرگە جاس دارىندى كادرلار قاجەت. كاسىبي ءبىلىمىن جەتىلدىرە وتىرىپ, ءارتۇرلى مەملەكەتتەردىڭ ماماندارىمەن تاجىريبە الماساتىن الاڭدى ۇيىمداستىرۋ ۋاقىت تالابى بولىپ بارادى. كاسىبي مەملەكەتتىڭ قالىپتاسۋى ءۇشىن ءوزىنىڭ ءىسىن مەڭگەرگەن, ماماندىعىن سۇيەتىن كاسىبي كادرلاردى قولداپ, ءوسىرۋ قاجەت. اسىرەسە تاريحي قۇجاتتىق جادىنى ساقتاۋدا كاسىبيلىگىن تانىتاتىن ءارحيۆشى ماماندار كەلەشەك بۋىن ءۇشىن قاجەت.
بيىلعى ءىس-شارادا ارحيۆ ءىسى ماماندارى مەن وقىتۋشىلارى – رەسەيلىك ميحايل لارين, پاۆەل كيۋنگ, يۋليا يۋماشەۆا, پولشا ءارحيۆىنىڭ وكىلى ارتۋر گوراك, فينليانديادان كەلگەن دميتري فرولوۆ, بەلورۋسسيالىق اندرەي رىباكوۆ, وڭتۇستىككورەيالىق كيم دجەپيون مەن قازاقستاندىق ءاليا مۇستافينا, بايان جۇماتاەۆا جانە باقىت نۇرپەيىسوۆا سپيكەر بولدى. جازعى مەكتەپكە قازاقستان, ازەربايجان, ارمەنيا, بەلورۋسسيا, قىرعىزستان, وزبەكستان, رەسەي فەدەراتسياسى, تاتارستان ارحيۆ مەكەمەلەرىنىڭ 270-تەن استام مامانى قاتىستى. قازىرگى وقىتۋدىڭ ونلاين فورماتى گەوگرافيالىق شەڭبەردى كەڭەيتىپ, ءبىرىنشى رەت ازەربايجان مەن ارمەنيادان ارحيۆشىلەر قوسىلدى.
ۇيىمداستىرۋشىلار V جازعى مەكتەپ كەلەسى جىلى ءداستۇرلى فورماتتا وتەتىنىنە ءۇمىت ءبىلدىرىپ, تمد ارحيۆ مەكەمەلەرىنىڭ جاس ماماندارى الماتى قالاسىنا جينالىپ, تانىسىپ, تاجىريبە ءبولىسىپ, كاسىبي ارحيۆشىلەر الەمدىك تاريحي مۇرانىڭ ساقتالۋىنا ورتاق ۇلەسىن قوسادى دەپ سەنەدى.
الماتى
