وسىلايشا, ولار پاندەميا جاعدايىندا قاۋىپسىز ءىس-شارا وتكىزۋگە مۇمكىندىك بەرەتىن وزگە دە شارالاردى بەلگىلەدى. وليمپيا جانە پاراليمپيادا ويىندارىنىڭ ۇيىمداستىرۋ كوميتەتى بيلەت يەلەرى ءۇشىن قاۋىپسىزدىك ەرەجەلەرىن جاريالادى. ونىڭ ىشىندە قاتتى قول شاپالاقتاۋعا, «بەستىك» بەرۋگە, سۇلگىنى بۇلعاۋعا, سونداي-اق جارىستار وتەتىن جەرلەردە الكوگولدى ىشىمدىكتەردى ساتۋعا نەمەسە كورەرمەندەردىڭ وزدەرى اكەلۋىنە بولمايدى. حابارلاندىرۋ توكيودا ءبىر كۇندە 619 ادامنىڭ ۆيرۋس جۇقتىرعانى تۋرالى بەلگىلى بولعانعا دەيىن جاسالدى. بۇل – شامامەن ءبىر ايدىڭ ىشىندەگى ءبىر كۇندىك ەڭ جوعارى كورسەتكىش. وسىدان ەكى كۇن بۇرىن ۇيىمداستىرۋشىلار كورەرمەندەردىڭ كەلۋىنە ايتارلىقتاي شەكتەۋلەر قويعان ەدى. بۇل شەكتەۋلەر بيلەت سانىن 910 مىڭعا قىسقارتۋعا ءماجبۇر ەتتى. ۇيىمداستىرۋشىلار ويىنداردىڭ نەگىزگى دەمەۋشىلەرىنىڭ ءبىرى Asahi سىرا قايناتۋ زاۋىتتارىن ەسكەرە وتىرىپ, كەيبىر شەكتەۋلەردى ەنگىزۋ ارقىلى الكوگول ساتۋعا رۇقسات بەرۋ مۇمكىندىگىن قاراستىرعانىن حابارلادى.
الايدا باق-تا حابارلاعاننان كەيىن كوپ ۇزاماي قوعام, مەديتسينالىق ساراپشىلار مەن بيلەۋشى, وپپوزيتسيالىق زاڭ شىعارۋشىلار بۇل شەشىمدى سىنعا العان. ناتيجەسىندە, كورەرمەندەرگە الكوگول ساتىلمايتىن بولدى.
