ايماقتار • 23 ماۋسىم، 2021

ۆاكتسينا الماعاندار قاشىقتان جۇمىس ىستەيدى – التاي كولگىنوۆ

411 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا «دەلتا» شتاممىن جۇقتىرعان ناۋقاستار انىقتالعانىن ايتا كەلە، كارانتيندىك تالاپتاردى قاتاڭ تۇردە ساقتاۋ كەرەكتىگىن ءمالىم ەتتى، دەپ حابارلايدى ەلوردا اكىمدىگىنىڭ رەسمي سايتى.

«قۇرمەتتى ەلوردا تۇرعىندارى مەن قوناقتارى! وزدەرىڭىز بىلەتىندەي، قالامىزدا «دەلتا» شتاممى ء(ۇندى شتاممى دەگەن اتاۋمەن بەلگىلى) ينفەكتسياسىنىڭ العاشقى جاعدايلارى تىركەلدى! ناۋقاستار سانى ازايماي تۇر. وتكەن تاۋلىكتىڭ وزىندە ينفەكتسيانىڭ 413 جاعدايى انىقتالدى! مىڭنان استام ادام ينفەكتسيالىق ستاتسيونارلاردا جاتىر. توسەك-ورىنداردىڭ جارتىسىنان كوبى تولدى. رەانيماتسيا بولىمىندە 100 ناۋقاس جاتىر. 21 ادامعا وكپەنى جاساندى جەلدەتۋ اپپاراتى قوسىلدى. مەديتسينا قىزمەتكەرلەرىنە ارتىلعان جۇكتەمە بىرنەشە ەسە ءوستى جانە ءوسىپ جاتىر.

قازىر عىلىمعا قارسى تۇراتىن ۋاقىت ەمەس. عىلىمنىڭ كومەگىمەن جىل سايىن جەر بەتىندەگى ميلليونداعان ادام دەنساۋلىعىن ساقتاپ، امان قالادى. عىلىم عانا ادامدى جاڭا، قاۋىپتى ۆيرۋستار مەن ينفەكتسيالاردان ساقتانۋعا كومەكتەسەدى.

شۇعىل تۇردە ۆاكتسيناتسيا الۋ قاجەت! ۆاكتسيناتسيا ارقىلى ءوزىڭىزدى، وتباسىڭىزدى جانە اينالاڭىزداعى جۇرتتى قورعاي الاسىز. ەگەر كوروناۆيرۋس ينفەكتسياسىنىڭ جۇقتىرۋ كورسەتكىشى ازايماسا، قالا تۇرعىندارى مەن شوب نىساندارى قاتاڭ سانيتارلىق نورمالاردى ساقتامايتىن بولسا، لوكداۋنعا قايتا ورالۋىمىزعا تۋرا كەلەدى. ادام دەنساۋلىعى مەن ءومىرى قىل ۇستىندە.

سانيتارلىق نورمالاردىڭ/كارانتيندىك شەكتەۋلەردىڭ ساقتالماۋى، كەيبىر ازاماتتاردىڭ وعان بەي-جاي قاراۋى سالدارىنان تۋىنداعان جاعدايدى تۇراقتاندىرۋ ءۇشىن قوسىمشا كارانتيندىك شەكتەۋلەر قابىلداۋعا ءماجبۇرمىز. سانيتارلىق دارىگەرلەر كارانتيندىك شارالاردى قاتاڭداتۋ تۋرالى جاڭا قاۋلى دايىنداۋدا.

ءبىرىنشى. تاۋەكەل توبىنداعى ازاماتتارعا مىندەتتى تۇردە ۆاكتسينا الۋدى ۇسىنامىز.

بۇل توپقا پەداگوگتەر، مەديتسينا قىزمەتكەرلەرى، الەۋمەتتىك قىزمەتكەرلەر، مەكتەپ، بالاباقشا، ۋنيۆەرسيتەت قىزمەتكەرلەرى، قىزمەت كورسەتۋ سالالارى، ياعني حقو، بانكتەر، ءسوو/سۇ، شاشتارازدار، سۇلۋلىق سالوندارى، تالاپكەرلەر (18 جاسقا تولعان)، سونداي-اق قالانىڭ تىنىس-تىرشىلىگىن قامتاماسىز ەتەتىن قىزمەتكەرلەر جاتادى.

قالا تۇرعىندارىمەن تىكەلەي بايلانىستا بولاتىن جانە جۇمىس ىستەيتىن قىزمەتكەرلەر ءتۇسىنۋى كەرەك: ەڭ الدىمەن ءوزىن جانە اينالاسىنداعى ادامداردى قورعاۋى قاجەت. مىسالى، قوعامدىق تاماقتانۋ ورىندارىندا/مەيرامحانالاردا نەمەسە سوو-دا بوتەن ادامدارمەن تىكەلەي بايلانىساتىن بولساڭىز، ەڭ الدىمەن ۆاكتسيناتسيادان ءوتىپ، ءوزىڭىزدى جانە اينالاڭىزداعى جۇرتتى قورعاۋىڭىز كەرەك.

ەگەر اتالعان ۇيىم قىزمەتكەرلەرى ۆاكتسيناتسيالان باسا، نىساننىڭ جۇمىسى توقتاتىلادى.

ەكىنشى. ۆاكتسيناتسيالانعان قىزمەتكەرلەر ءۇشىن جۇمىس ورىندارى قولجەتىمدى

ەكپە الماعاندار (مەديتسينالىق رۇقساتى بار قىزمەتكەرلەردى ەسەپتەمەگەندە)، قاشىقتان جۇمىس ىستەۋ جانە وقۋ فورماتىنا جىبەرىلۋى كەرەك.

ءۇشىنشى. Ashyq جوباسى ءوز كەزەگىندە قىزمەتكەرلەرى 100% ۆاكتسيناتسيالانعان كاسىپورىنداردا عانا جۇمىس ىستەيدى. سونىمەن قاتار Ashyq قوسىمشاسى كەلۋشىلەردىڭ ۆاكتسيناتسيا ستاتۋسىن انىقتايتىن «ۆاكتسيناتسيا» مودۋلىمەن بىرىكتىرىلۋى كەرەك.

بۇل شارالاردىڭ ءبارى قالا تۇرعىندارىنىڭ قاۋىپسىزدىگىنە ارنالىپ وتىر! ۆاكتسيناتسيا ارقىلى ۇجىمدىق يممۋنيتەتتى قالىپتاستىرۋ كەزىندە عانا قالا بۇرىنعى، كارانتينگە دەيىنگى قالىپتى ومىرگە ورالا الادى: كارانتيندىك شەكتەۋلەرسىز، لوكداۋندارسىز جانە ت.ب.

ەڭ باستىسى — ادام ومىرىمەن جانە دەنساۋلىعىمەن ويناماڭىز! الدىڭىزدا تەك ەكى جول بار. ءبىرىنشى – ءاربىر ادام ەرتە مە، كەش پە، ۆيرۋسقا تاپ بولادى. ناتيجەسىندە ءتۇرلى ءدارى-دارمەكتەر الىپ، ۇزاق ۋاقىت ەمدەلەدى. 

ەكىنشى ءادىس — ۆاكتسيناتسيا. عىلىم ادام دەنساۋلىعى ءۇشىن ۆاكتسينادان ارتىق ەشنارسە ويلاپ تاپقان جوق. ءوزىمىزدى جانە اينالامىزداعى جانداردى قورعاۋ ارقىلى عانا وسى ءبىر قيىن كەزەڭنەن وتەمىز»، دەپ جازدى ەلوردا اكىمى.

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

5 ادام سۋعا كەتتى

قوعام • بۇگىن، 08:20

جاستارعا ارنالعان جارمەڭكە

قوعام • بۇگىن، 08:18

جاستار جۇمىسپەن قامتىلدى

قوعام • بۇگىن، 08:15

سالعىرتتىق سان سوقتىرماسا ەكەن

ايماقتار • بۇگىن، 08:12

ۇقساس جاڭالىقتار