قازاقستان • 23 ماۋسىم، 2021

قازاقستاندا سالىق زاڭناماسىنا جاڭا تۇزەتۋلەر ەنگىزىلەدى

77 رەت كورسەتىلدى

2021 جىلدىڭ 1 شىلدەسىنەن جانە 2022 جىلدىڭ 1 قاڭتارىنان باستاپ قازاقستاندا سالىق زاڭناماسىنا جاڭا تۇزەتۋلەر ەنگىزىلەدى. مەملەكەت باسشىسى قاسىم-جومارت توقاەۆتىڭ بيىلعى 1 ساۋىردەگى كوروناۆيرۋستىق ينفەكتسيا جونىندەگى كەڭەستە بەرگەن تاپسىرماسى اياسىندا قارجى مينيسترلىگى شاعىن جانە ورتا بيزنەستى قولداۋ بويىنشا جۇمىس جۇرگىزۋدە، دەپ حابارلايدى Egemen.kz وكق-عا سىلتەمە جاساپ.

«زارداپ شەككەن سالالارداعى شوب ءۇشىن ەڭبەكاقى قورىنان سالىق تولەۋ كەيىنگە قالدىرىلدى. بۇل شارا 2021 جىلدىڭ 1 ساۋىرىنەن 1 شىلدەسىنە دەيىن قولدانىلادى. سالىقتىق جانە كەدەندىك قارىزداردى ماجبۇرلەپ ءوندىرىپ الۋ شارالارى توقتاتىلدى. بۇل شارا 13،2 ملرد تەڭگە قارىزى بار 8،6 مىڭعا جۋىق كاسىپكەرلىك سۋبەكتىسىن قامتىدى»، دەدى قر قارجى ۆيتسە-ءمينيسترى مارات سۇلتانعازيەۆ. 

مۇنىمەن قوسا، قولعا الىنعان شارالار شەڭبەرىندە اكتسيزدەلەتىن تاۋارلار مەن ەاەو ەلدەرىنە يمپورتتالاتىن جانە شىعارىلاتىن تاۋارلاردىڭ ىلەسپە شوت-فاكتۋرالارىن تىركەۋ بويىنشا پيلوتتىق جوبالاردىڭ مەرزىمى 2021 جىلدىڭ 1 قازانىنا دەيىن، ال باسقا تاۋارلار ءۇشىن - 2022 جىلدىڭ 1 قاڭتارىنا دەيىن ۇزارتىلدى. سونداي-اق كەلەسى جىلدىڭ 1 قاڭتارىندا ققس تولەمەيتىندەرگە ەلەكتروندى شوت-فاكتۋرالار بەرۋ مىندەتتەمەسى كەيىنگە قالدىرىلادى.  

سوڭعى جاڭالىقتار

ۇلت ۇستازى ۇلىقتالدى

احمەت بايتۇرسىن ۇلى • كەشە

الماتىنىڭ اۋاسى

ەكولوگيا • كەشە

ۇقساس جاڭالىقتار