«13 ماۋسىمنان باستاپ شىمكەنت مۇناي وڭدەۋ زاتىندا بەنزين ءوندىرىسى تەحنولوگيالىق رەجيمگە شىقتى, سوڭعى 5 كۇندە ورتاشا تاۋلىكتىك ءوندىرۋ 6,5 مىڭ توننانى قۇرادى. ديزەل وتىنىنىڭ ءوندىرىسى قالپىنا كەلتىرىلدى, سوڭعى 4 كۇندە ورتاشا تاۋلىكتىك ءوندىرۋ 6 مىڭ توننانى قۇرادى. ءوندىرىستىڭ بۇل كولەمى وڭتۇستىك ءوڭىردىڭ قاجەتتىلىكتەرىن جاۋىپ تۇر», دەدى ءا. ماعاۋوۆ وكق وتكەن بريفينگ كەزىندە.
ونىڭ سوزىنشە, وڭتۇستىك ايماقتاردا ءبىر كۇندە اي-92 بەنزينى 5,31 مىڭ توننا, ال ديزەل وتىنى 5,6 مىڭ توننا تۇتىنىلادى.
«سونىمەن قاتار جونەلتىپ تيەۋگە قاتىستى شىمكەنت مۇناي وڭدەۋ زاتىنىڭ لوگيستيكالىق قيىندىقتارى بولدى. سوڭعى كۇندە وندىرىلگەن مۇناي ونىمدەرىنىڭ تەك جارتىسىن عانا جونەلتۋ مۇمكىن بولعان. «قتج»-اق-بىرلەسىپ ءتيىستى كونسۋلتاتسيالار جۇرگىزىلىپ, وتىندى جونەلتۋ كولەمى قالپىنا كەلتىرىلدى. الداعى كۇندەرى تەمىر جولمەن 4,3 مىڭ توننا بەنزين مەن 4,2 مىڭ توننا ديزەل وتىنى وڭتۇستىك وڭىرلەرگە جونەلتىلمەك. بۇعان قوسا, شىمكەنت مۇناي بازاسى ارقىلى قۇبىرمەن 1,2 مىڭ تونناداي بەنزين مەن ديزەل وتىنى باعىتتالادى. وسىدان كەيىن اۆتوموبيل كولىگىمەن جانار-جاعارماي قۇيۋ ستانتسيالارى جۇيەلەرىنە تاراتىلادى. بۇل قادامدار تاياۋ كۇندەرى جاعدايدى تۇراقتاندىرۋعا مۇمكىندىك بەرەدى», دەدى ول.
