كوروناۆيرۋس • 22 ماۋسىم، 2021

«ءۇندى» شتامى ۇرەيلى

61 رەت كورسەتىلدى

دەنساۋلىق ساقتاۋ مينيسترلىگى اينالىمدا ء«ۇندى» شتامىنىڭ بولۋ ىقتيمالدىلىعىن انىقتادى. بۇل تۋرالى COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيا مالىمدەدى.

نۇر-سۇلتان قالاسىندا كوروناۆيرۋس ينفەكتسياسىمەن سىرقاتتانۋ دەڭگەيىنىڭ كۇرت وسۋىنە بايلانىستى دەنساۋلىق ساقتاۋ مينيسترلىگى كۆي جۇقتىرعان ناۋقاستاردان الىنعان وڭ زەرتحانالىق ۇلگىلەردىڭ پتر سكرينينگىن وتكىزدى. سكرينينگ ناتيجەلەرى بويىنشا «دەلتا» شتامىنا ء(«ۇندى» شتامى) ءتان مۋتاتسياعا كۇدىكتى جاعداي انىقتالدى. مۋتاتسيانىڭ بولۋىن جانە ونىڭ «دەلتا» شتامىنا جاتاتىنىن تۇپكىلىكتى راستاۋ دنق ۇلگىلەرىن تولىق گەنومدىق سەكۆەنيرلەۋ اياقتالعاننان كەيىن بەلگىلى بولادى.

«دەلتا» كوروناۆيرۋس شتامى اسا كونتاگيوز­دى جانە انىقتالعان شتامدارعا قاراعاندا جۇقپالىلىعى 60%-عا جوعارى. قازىرگى اينا­لىمداعى شتامدار 1 ادامنان ورتا ەسەپپەن 3-4 ادامعا تارالاتىن بولسا، بۇل شتام 5-6 ادامعا بىردەن جۇعادى جانە 7 كۇنگە سوزىلاتىن قىسقا ينكۋباتسيالىق كەزەڭمەن سيپاتتالادى. سونىمەن قاتار ىندەتتى جۇقتىرعاندار بۋىندار مەن ءىشتىڭ قاتتى اۋىرسىنۋىن سەزىنەدى، جۇرەك اينىپ لوقسيدى، اۋرۋ سالدارىنان ادام ساڭىراۋ بولىپ قالۋى ابدەن مۇمكىن جانە اياقتاردىڭ ميكروترومبوزىنا اكەلەدى.

سوڭعى زەرتتەۋلەر كور­سەت­كەندەي، كوروناۆيرۋستىڭ ء«ۇندى» شتامى توسەككە تا­ڭىلۋ مەن ءولىم-ءجىتىمنىڭ جو­عارى ىقتيمالدىعىنا ىق­پال ەتۋى مۇمكىن. وسى رەتتە دەنساۋلىق ساقتاۋ مينيسترلىگى ءاربىر قازاقستاندىقتى ءوز دەن­ساۋلىعى مەن جاقىن­دارى­نىڭ ومىرىنە اسا ساقتىق­پەن، جاۋاپ­كەرشىلىكپەن قاراۋ­دى سۇرايدى.

ينفەكتسيادان قورعانۋ مەن اۋرۋ­حاناعا جاتۋدان امان قالۋ­دىڭ بىردەن-ءبىر جولى سovid-19 ۆيرۋسىنا قارسى ۆاكتسينانىڭ تولىق كۋرسىن الۋ. كۆي-گە قارسى ەكپە الۋعا قار­سى كورسەتىلىمدەرى جوق ءار­بىر ازامات قىسقا مەرزىمدە ۆاك­تسينالانعانى ءجون.

سونداي-اق ۆاك ۆيرۋس تا­رالۋىنىڭ الدىن الۋ ماق­ساتىندا ماسكا تاعۋ، الەۋمەتىك اراقاشىقتىقتى ساقتاۋ، قول گيگيەناسى، ءۇي-جايلاردى جەل­­دەتۋ سياقتى بارلىق پرو­في­لاكتيكالىق شارانى قا­تاڭ ورىنداۋ قاجەت ەكەنىن ەسكەرتەدى.

دۇنيەجۇزىلىك دەنساۋلىق ساقتاۋ ۇيىمىنىڭ 2021 جىلعى 20 ماۋسىمداعى مالىمەتتەرى بويىنشا SARS-CoV-2 «دەلتا» شتامى الەمنىڭ 174 ەلىن­دە انىقتالعان.

سوڭعى جاڭالىقتار

قورجىن تولا – قولا

TOKYO2020 • كەشە

الىمجەتتىك ازايعانىمەن...

قازاقستان • كەشە

تۋريستكە دە ءتارتىپ بار

ايماقتار • كەشە

ۇقساس جاڭالىقتار