الەم • 22 ماۋسىم، 2021

باسقا باسىلىمداردان: دۋبايدا العاشقى يزرايل ارناسى اشىلدى

10 رەت كورسەتىلدى

ءيزرايلدىڭ i24News تەلە­ار­­ناسى دۋ­باي­دان ءوز كەڭسەسىن اشاتىنىن مالىم­دە­دى. وسى­لايشا، اتالعان ارنا اراب ەلدە­رىن­دە تارالاتىن العاشقى يزرايل­دىك ار­نا اتانىپ وتىر.

«وتكەن جىلى ىسكەرلىك بايلانىس­تار مەن سەرىكتەستىككە تىڭ سەرپىن بە­رە­­تىن ايماقتىق ديپلوماتيالىق وز­گە­­رىسكە كۋا بولدىق. دۋباي مەديا سي­تيدە كەڭسەمىزدىڭ اشىلۋى تاياۋ شى­عىس ماسەلەلەرىن ايماقتىق مەديا ين­دۋسترياسىنىڭ ورتا­لى­عىنان تارا­تۋ­عا جول اشاتىن سترا­تە­گيالىق الاڭ قالىپتاستىرۋعا مۇمكىندىك بە­رەدى»، دەدى i24News-ءتىڭ باس ديرەكتورى فرەنك مەللو.

سونىمەن قاتار بىرىككەن اراب امىر­لىك­تەرىمەن بىرقاتار كەلىسىم جاسالعان. ماسەلەن، اعىلشىن تىلىندە شىعاتىن Gulf News گازەتىمەن كونتەنت الماسادى. ءباا تۋريزم مينيسترلىگىنىڭ جارنامالارى جاريالانادى.

دۋباي مەديا-ءوفيسىنىڭ باس دي­رەك­تورى مونا ءال-مارري ءباا مەن ءي­ز­رايلدىڭ مەديا سەكتورلارى ارا­سىن­داعى ىنتىماقتاستىقتىڭ ورنا­عا­نىن قۇپتادى. Dubai Media City كومپانياسىنىڭ ديرەكتورى ماجەد ءال-ءسۋۆايديدىڭ اي­تۋىن­شا، i24News-پەن كەلىسىم جاساسۋ مەديا وكىلدەرىنىڭ اياسىن كەڭەيتەدى.

i24News ارناسىنىڭ جاڭالىقتارىن Etisalat جانە DU بايلانىس وپەراتورلارى تاراتپاق. ارنا اراب، اعىلشىن جانە فرانتسۋز تىلدەرىندە حابار تاراتادى. بىلتىر جەلتوقساندا تەل-اۆيۆ قالاسىندا ورنالاسقان i24News ءابۋ-دابي مەديامەن كەلىسىمشارت جاساسىپ، ورتاق اقپارات تاراتۋ، مۇراعات ماتەريالدارىن ءبولىسۋ جونىندە ۋاعدالاستى.

بۇدان بولەك، ءباا بيلىگىنە تيەسىلى Dubai Media Incorporated كومپانياسى i24News-بەن كونتەنت جاساۋ، مەديا-تەحنولوگيالار جانە قىزمەتكەرلەرمەن الماسۋ باعدارلامالارى بويىنشا ىنتى­ماق­تاستىق تۋرالى مەموراندۋمعا قول قويعانىن مالىمدەدى.

تاياۋ شىعىستاعى بۇل جىلىمىق بىلتىر باستالعان. اقش-تىڭ اراعايىن­دى­عىمەن «Abraham كەلىسىمىنە» قول قويىلدى. سوعان سايكەس، يزرايل ءباا، باحرەين، ماروككو ەلدەرىمەن ديپ­لو­ماتيالىق بايلانىس ورناتتى. بيىل بۇل تىزىمگە سۋدان قوسىلدى. بۇعان دەيىن اراب ەلدەرىنىڭ ىشىندە مىسىر پەن يور­دانيا عانا يزرايلمەن ديپلو­ما­تيا­لىق بايلانىس ورناتقان ەدى.

پالەستينالىقتار بۇل كەلىسىمگە نارا­زى­لىق ءبىلدىرىپ وتىر. ولاردىڭ ايتۋىنشا، قارىم-قاتىناستى قالىپقا كەلتىرۋ اراب ليگاسىنىڭ ۇستانىمىنا قايشى كەلەدى. وندا يزرايل تاراپى پالەستينا جەرلەرىن باسىپ الۋدى توقتاتپايىنشا جانە تاۋەلسىز پالەستينا مەملەكەتىمەن كەلىسىم جاسامايىنشا، اتالعان ەلمەن قارىم-قاتىناس بولماۋى كەرەك ەكەنى اي­تىلعان.

 

ەۋرووداقتىڭ ەرەجەسى سىنعا ۇشىرادى

ساراپشىلاردىڭ پايىمداۋىنشا، ەۋ­رو­پالىق وداقتىڭ حي­ميالىق زات­تار­عا قا­تىستى جاڭا ەرەجەسى پولي­مەر­­لەر­­دىڭ كوپ­شىلىگىن تەكسەرۋسىز پايدا­لا­نۋ­عا مۇم­كىندىك بەرمەك.

ەۋروپاداعى حيميالىق ەرەجەلەرگە سايكەس، 200 000-عا جۋىق پوليمەر ءتۇرىنىڭ 6 پايىزى ەۋروپادا قاۋىپسىزدىكتى تەك­سە­رۋدى قاجەت ەتەدى. وسىعان بايلانىس­تى 19 عالىم ەۋروپالىق كوميسسياعا حات جولدادى.

ولاردىڭ ايتۋىنشا، بۇل – وتە از كورسەتكىش. پلاستيك زاتتار قورشاعان ورتاعا زيان. سوعان قاراماستان، جاڭا ەرەجەلەر پوليمەرلەردىڭ كوپتەگەن ءتۇرىن ەركىن قولدانۋعا مۇمكىندىك بەرەدى.

ەۋروپالىق ەكولوگيالىق بيۋرو­نىڭ كەلتىرگەن مالىمەتتەرىنە سۇيەنسەك، تەك­سە­رۋدى قاجەت ەتپەيتىن حيميكات­تار­­دىڭ قا­تارىنا قاۋىپتى تۇرلەرى دە ەنىپ كەتكەن. ماسەلەن، پوليستيرول ەگەۋقۇيرىق وكپەسىنىڭ قابىنۋىنا سەبەپ بولعان. سونداي-اق قالدىق سۋلاردى، جەلىمدەردى جانە تاماق ورامالارىن تازارتۋدا قولدانىلاتىن اكريلاميد مونومەرى نەيروتوكسينگە اينالاتىن پولياكريلاميدتەر دە تىزىمگە ەنگەن.

تاياۋدا ەۋروپالىق كوميسسيا وسى ماسەلەگە قاتىستى زەرتتەۋگە تاپسىرىس بەرگەن ەدى. سوعان سۇيەنسەك، كەي پلاس­تي­كالىق زاتتاردى قاتاڭ تەكسەرۋدەن وتكىزبەسە، قورشاعان ورتاعا وراسان زيان كەلتىرەدى.

ەۋروپالىق كوميسسيا ۇسىنىستار باستاپقى ساتىدا ەكەنىن، ءالى دە تالقى­لاۋ جالعاساتىنىن ايتىپ وتىر. «ەندىگى جيىندا پوليمەرلەردى قالاي تىركەۋ­دىڭ كەيبىر تەحنيكالىق اسپەكتىلەرى تالقى­لا­نادى، بىراق پوليمەرلەردىڭ قالاي تىركەلۋىنىڭ تۇپكىلىكتى ناتيجەلەرى ازىرگە تال­قىلانبايدى جانە ەرەجەلەر جوباسى جوق»، دەيدى ەۋروپالىق كوميسسيانىڭ ءباسپاسوز حاتشىسى.

 

ءاربىر ءجۇزىنشى تۇرعىن – بوسقىن

پلانەتانىڭ ءاربىر ءجۇزىنشى تۇرعىنى – بوس­قىن. ولاردىڭ سانى سوڭعى ونجىل­دىق­تا ەكى ەسەگە وسكەن. قازىرگى تاڭدا بوس­قىندار سانى 82 ميلليوننان اسىپ كەتتى.

بۇۇ ەسەبىندە ميگرانتتاردىڭ كوپ بولىگى «ىشكى قونىس اۋدارۋشىلار»، ياعني ءوز ەلدەرىندە بوسقىندارعا اينالعاندار ەكەنى اتاپ وتىلگەن. بۇۇ-نىڭ بوسقىندار ءىسى جونىندەگى جوعارعى كوميسسارى فيليپپو گرانديدىڭ ايتۋىنشا، كوشى-قون ماسەلەلەرىنە قاراعاندا، ىشكى قونىس اۋدارۋشىلار تۇيتكىلدەرىن شەشۋ قيىن، ويتكەنى ولار قارۋلى قاقتىعىس جاعدايىندا تىرشىلىك كەشىپ جاتىر.

«يەمەن تۋرالى، تيگراي تۋرالى، اۋعانستان تۋرالى ويلاڭىز. ترەندتىڭ، ودان ءارى ءوسۋ تەندەنتسياسى بار بۇل ءبىزدى قاتتى الاڭداتادى. وسى ەسەپتە ىشكى قو­نىس اۋدا­­­رۋ­شىلار سانى شامامەن 50 ميل­ليونعا جۋىقتادى»، دەيدى ول.

بوسقىنداردىڭ كوپشىلىگى – سيريا­لىقتار. ولاردىڭ سانى 6،8 ميل­ليون­عا جەتكەن. ەكىنشى ورىندا – پالەس­تي­نالىقتار، ءۇشىنشى ورىندا – ۆەنەسۋەلا­لىقت­ار. بۇدان بولەك، وڭتۇستىك سۋدان جانە ميانما ەلدەرىنىڭ ازاماتتارى دا بوسىپ ءجۇر. قازىرگى تاڭدا اتى اتالعان بەس ەلدىڭ ازاماتتارى الەم­دەگى بوسقىنداردىڭ ۇشتەن ەكىسىن قۇ­راي­دى. ءبىر وكىنىشتىسى، شارتاراپتاعى ميگ­رانتتاردىڭ 42 پايىزى كامەلەتكە تولماعان بالالار.

سوڭعى جاڭالىقتار

قورجىن تولا – قولا

TOKYO2020 • كەشە

الىمجەتتىك ازايعانىمەن...

قازاقستان • كەشە

تۋريستكە دە ءتارتىپ بار

ايماقتار • كەشە

ۇقساس جاڭالىقتار