اقتوبە قالاسىنداعى ش.قالداياقوۆ كوشەسىندە پاترۋلدىك پوليتسيا قىزمەتكەرلەرى بانكتەردىڭ ءبىرىنىڭ مەنەدجەرى رۋلدە وتىرعان «Daewo Nexia» اۆتوكولىگىن توقتاتتى. 26 جاستاعى جۇرگىزۋشى بۇعان دەيىن دە كولىك قۇرالىن باسقارۋ قۇقىعىنان ايىرىلعان, «كاننابيويدتاردى» پايدالانىپ, ماس كۇيىندە كولىكتى باسقارعان.
«سول كۇنى بوگەنباي باتىر كوشەسىندەگى «داستان» قوناق ۇيىنە قاراما-قارسى بەتتە پوليتسيا قىزمەتكەرلەرى 38 جاستاعى جۇرگىزۋشىنىڭ باسقارۋىنداعى «ۆاز-21140» اۆتوكولىگىن توقتاتتى. ول دا بۇرىن كولىك قۇرالىن باسقارۋ قۇقىعىنان ايرىلىپ, اۆتوكولىكتى ەسىرتكىگە ماساڭ كۇيدە باسقارعان. ەكى دەرەك بويىنشا دا قىلمىستىق كودەكستىڭ «كولىك قۇرالىن باسقارۋ قۇقىعىنان ايىرىلعان, الكوگولدىك ماساڭ كۇيدەگى ادامنىڭ كولىك قۇرالىن باسقارۋى» بابى بويىنشا تەرگەۋ ارەكەتتەرى جۇرگىزىلىپ جاتىر. كولىك قۇرالدارى ارنايى تۇراققا قويىلدى», دەدى وبلىستىق پد ءباسپاسوز قىزمەتىنىڭ جەتەكشىسى ەربولات سارقۇلوۆ.
