ايماقتار • 21 ماۋسىم، 2021

پاۆلوداردا پوليتسيا مايورى كۇدىكتى قىزدى زورلاعان

1020 رەت كورسەتىلدى

پاۆلوداردا پوليتسيا مايورى كۇدىكتىنى زورلاعان بولۋى مۇمكىن دەگەن دەرەك بويىنشا سوتقا دەيىنگى تەرگەۋ باستالدى، دەپ حابارلايدى Egemen.kz BaigeNews.kz-كە سىلتەمە جاساپ.

وبلىستىق پوليتسيا دەپارتامەنتىنىڭ حابارلاۋىنشا، قاجەتتى ساراپتامالار تاعايىندالدى.

«اتالعان فاكت بويىنشا پاۆلودار وبلىسى پوليتسيا دەپارتامەنتىنىڭ ىشكى قاۋىپسىزدىك باسقارماسى قر قىلمىستىق كودەكسىنىڭ 120 «زورلاۋ» جانە 362 «بيلiكتi نەمەسە لاۋازىمدىق وكiلەتتiكتەردى اسىرا پايدالانۋ» بابىمەن سوتقا دەيىنگى تەرگەۋ جۇرگىزۋدە. قاجەتتى ساراپتامالار تاعايىندالدى، ونىڭ ناتيجەلەرى بويىنشا پروتسەسسۋالدىق شەشىم قابىلدانادى»، دەپ ءتۇسىندىردى پوليتسيا دەپارتامەنتى.

ەسكە سالساق، پاۆلودارلىق قۇقىق قورعاۋشى ەلەنا سەمەنوۆا پاۆلودارداعى تەرگەۋ يزولياتورىندا «مەنى پوليتسيا مايورى زورلادى» دەگەن 22 جاستاعى قىزدى كەزدەستىرگەنىن ايتقان. بويجەتكەننىڭ سوزىنشە، ونى 17 اقپاندا ۇستاپ، جەكە ءتىنتۋ جۇرگىزگەن، سودان كەيىن پوليتسيا بولىمىنە اكەلىپ، ءتۇن ورتاسىنا دەيىن تەرگەۋ ارەكەتتەرىن جۇرگىزگەن. سوسىن ونى پاتەرگە اپارعان، پوليتسەيلەردىڭ ءبىرى ء«بارىنىڭ شارشاعانىن، وسىندا تۇنەيتىنىن، تاڭەرتەڭ پوليتسيا بولىمىنە بىرگە باراتىنىن» ايتىپتى.

قۇقىق قورعاۋشى جەتكىزگەندەي، قىزدىڭ سوزىنشە، ول پاتەردە پاۆلودار وبلىسى پوليتسيا دەپارتامەنتىنىڭ پوليتسيا مايورىن كورگەن. ول كۇدىكتى قاشىپ كەتپەۋى ءۇشىن كۇزەتۋ كەرەك دەگەن جەلەۋمەن ديۆاندا قىزدىڭ جانىنا جاتىپ العان، سودان كەيىن زورلاعان دەسەدى.

سوڭعى جاڭالىقتار

ەلشىنىڭ ەڭبەگى مەن ەرلىگى

تاريح • بۇگىن، 23:09

الىمجەتتىك ازايعانىمەن...

قازاقستان • بۇگىن، 22:40

ءبىر قۋانتىپ، ءبىر مۇڭايتقان سالا

ەكونوميكا • بۇگىن، 21:52

اقتوبەدە قوقىس پوليگونى ورتەندى

ايماقتار • بۇگىن، 19:58

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار