«ەلىمىزدەگى بارشا مەديتسينا قىزمەتكەرلەرىن كاسىبي مەرەكەلەرىمەن شىن جۇرەكتەن قۇتتىقتايمىن!
دەنساۋلىق ساقتاۋ جۇيەسى قاشاندا ەلىمىز ءۇشىن ەڭ نەگىزگى سالالاردىڭ ءبىرى. اسىرەسە, پاندەميا باستالعالى بەرى دەنساۋلىقتىڭ قادىرىن بۇرىنعىدان دا ارتىعىراق ءتۇسىنىپ جاتىرمىز. وسى كەزەڭدە اق حالاتتى ابزال جانداردىڭ قوعامداعى ورنى مەن اتقاراتىن ءرولى قانشالىقتى ماڭىزدى ەكەنىنە انىق كوز جەتكىزدىك.
جۇما كۇنى ەلوردامىزدا ىندەتپەن كۇرەس جۇمىستارىنا زور ۇلەس قوسقان مەديتسينا قىزمەتكەرلەرىنە ارنالىپ «التىن جۇرەك» ەسكەرتكىشى اشىلدى. سالتاناتتى راسىمدە مەملەكەت باسشىسى دارىگەرلەردىڭ قوعامداعى مارتەبەسىن ارتتىرۋ ءۇشىن «قازاقستان رەسپۋبليكاسىنىڭ ەڭبەك سىڭىرگەن دارىگەرى» اتاعىن ەنگىزۋدى ۇسىندى. اتاقپەن بىرگە ماتەريالدىق سىياقى دا بەرىلەدى. مۇنىڭ ءبارى وسى باعىتتا تەر توگىپ جۇرگەن مامانداردىڭ ەڭبەگىنە بەرىلگەن لايىقتى باعا ەكەنى ءسوزسىز.
بارشا مەديتسينا قىزمەتكەرلەرىن مەرەكەلەرىڭىزبەن قۇتتىقتاي وتىرىپ, سىزدەرگە زور دەنساۋلىق, باق-بەرەكە جانە تولايىم تابىس تىلەيمىن! ءاردايىم كاسىبيلىكتىڭ بيىگىنەن كورىنە بەرىڭىزدەر!», دەپ جازدى ماۋلەن اشىمباەۆ ءوزىنىڭ Facebook جەلىسىندەگى پاراقشاسىندا.
