الەم • 18 ماۋسىم، 2021

ۋەفا رونالدۋ مەن پوگبانىڭ ارەكەتىنەن كەيىن مالىمدەمە جاسادى

21 رەت كورسەتىلدى

ۋەفا ەۋروپا چەمپيوناتىندا ونەر كورسەتىپ جاتقان ويىنشىلاردان ءباسپاسوز كونفەرەنتسياسىندا دەمەۋشىلەردىڭ قۇتىسىنا تيىسپەۋدى تالاپ ەتتى جانە فۋتبولشىلاردى دەمەۋشىلەرگە قۇرمەتپەن قاراۋعا شاقىردى، دەپ حابارلايدى Egemen.kz Reuters سايتىنا سىلتەمە جاساپ.

سونداي-اق ۋەفا وكىلدەرى تۋرنيرگە قاتىسۋشىلارعا دەمەۋشىلىك شارالار ءتۋرنيردىڭ جانە فۋتبولدى دامىتۋدىڭ اجىراماس بولىگى ەكەنىن ەسكەرتىپ، دەمەۋشىلەرگە قۇرمەتپەن قاراۋعا شاقىردى.

«دەمەۋشىلىك تۋرنير ءۇشىن دە، ەۋروپا فۋتبولى ءۇشىن دە ماڭىزدى»، دەدى ەۋرو-2020 ءتۋرنيرىنىڭ ديرەكتورى مارتين كاللەن.

مارتين كاللەن ويىنشىلارعا ءباسپاسوز كونفەرەنتسياسىنداعى ارەكەتى ءۇشىن ۋەفا تاراپىنان ايىپپۇل سالىنبايتىنىن مالىمدەدى.

ەسكە سالا كەتەيىك، جاقىندا پورتۋگاليا ۇلتتىق قۇراماسىنىڭ جۇلدىزى كريشتيانۋ رونالدۋ ءباسپاسوز كونفەرەنتسياسىندا دەمەۋشىلەر ۇسىنعان Coca-Cola سۋسىنىن ۇستەلدەن الىپ تاستاپ، ونىڭ ورنىنا سۋ ىشۋگە شاقىردى. ارادا بىرەر كۇن وتكەندە فرانتسيا ۇلتتىق قۇراماسىنىڭ ويىنشىسى پول پوگبا دەمەۋشىلەر ۇسىنعان Heineken سۋسىنىن (سىرا) الىپ تاستادى.  

سوڭعى جاڭالىقتار

ۇقساس جاڭالىقتار