قازاقستان • 18 ماۋسىم، 2021

داۋرەن اباەۆ پرەزيدەنتتىڭ ەكى اكىمدى قىزمەتتەن بوساتۋىنا قاتىستى پىكىر ءبىلدىردى

13 رەت كورسەتىلدى

پرەزيدەنت اكىمشىلىگى باسشىسىنىڭ ءبىرىنشى ورىنباسارى داۋرەن اباەۆ «اشىق ديالوگ» سۇحباتىندا سولتۇستىك قازاقستان وبلىسى ايىرتاۋ جانە ەسىل اۋداندارى اكىمدەرىنىڭ قىزمەتىنەن بوساتىلۋى تۋرالى پىكىر ءبىلدىردى، دەپ حابارلايدى Egemen.kz.

«جالپى ءسىز ايتىپ وتىرعان مىسالدى «حالىق ۇنىنە قۇلاق اساتىن مەملەكەت» تۇجىرىمداماسىنىڭ ومىردە ىسكە اسۋى دەپ ايتۋعا بولادى. بىراق اكىمدەردى قىزمەتىنەن الۋ – مەملەكەت باسشىسىنىڭ بۇل كەلەڭسىزدىككە نازار اۋدارۋىنىڭ ءبىر بولىگى عانا. ارينە، شەنەۋنىكتەردى جازالاپ، جۇمىستان الۋ جۋرناليستەر ءۇشىن ارقاشان تارتىمدى اقپاراتتىق سەبەپ ەكەنىن بىلەسىز. بىراق مۇنىڭ ارتىندا باسقا دا جۇمىستار جاتىر. پرەزيدەنت ەڭبەك تاپشىلىعى بار وڭىرلەردەن حالىقتى كوشىرۋ ءىسىنىڭ ساپالى اتقارىلۋىن تاپسىرعان بولاتىن»، دەدى پرەزيدەنت اكىمشلىگىنىڭ وكىلى.

داۋرەن اباەۆ بۇل باعدارلامانىڭ ماقساتى وڭتۇستىك پەن سولتۇستىك اراسىنداعى دەموگرافيالىق تەڭگەرىمسىزدىكتى جويۋ ەكەنىن ەسكە سالدى.

«بۇل جۇمىس جوسپارلى تۇردە، ناۋقانشىلدىققا سالىنباي، سان قۋالاپ كەتپەي ىسكە اسۋى كەرەك. قونىس اۋدارۋشىلارعا جاعداي جاساۋ قاجەت. بۇل – اكسيوما. بىراق قونىس اۋدارۋشىلار دا جاڭا ورتاعا بەيىمدەلىپ، ينتەگراتسياعا ءتۇسۋ كەرەكتىگىن تۇسىنگەنى ابزال. تەك اكىمدىككە شاعىمدانا بەرمەي، ءوز تاعىرلارى ءۇشىن جاۋاپكەرشىلىكتى ءوز قولدارىنا الۋى كەرەك. كوبى سۇراپ جاتىر. اۋدان اكىمدەرىنە نەگە قاتاڭ جازا قولدانىلدى؟ ونى دا وڭاي تۇسىندىرۋگە بولادى. ويتكەنى بۇل باعدارلاما ادامداردىڭ تاعدىرىمەن بايلانىستى»، دەدى د. اباەۆ.

ايتا كەتەيىك، قاسىم-جومارت توقاەۆ «كازاحستانسكايا پراۆدا» گازەتىندە جاريالانعان «زالوجنيكي راۆنودۋشيا» اتتى ماقالادا ايتىلعان ماسەلەگە نازار اۋدارىپ، ەكى اۋداننىڭ اكىمى قىزمەتىنەن الىنعان بولاتىن.

سوڭعى جاڭالىقتار

ەرتەڭىن ويلاعان ەكپە الادى

كوروناۆيرۋس • بۇگىن، 16:53

ۇقساس جاڭالىقتار