تۋعان جەردەن توپىراق بۇيىردى

جينالعان قاۋىم ەكىنشى دۇ­نيەجۇزىلىك سوعىستا ەرلىكپەن قا­زا تاپقان كامەن جۇمانوۆ پەن تو­لەۋباي جۇمابەكوۆتىڭ رۋحىنا تاعزىم ەتىپ, قۇرمەت كورسەتتى. وكىنىشكە قاراي, مارقۇمداردىڭ مۇردەسىنىڭ جانىنان تابىلعان ءۇشىنشى جا­ۋىنگەردىڭ ەسىمى بەل­گىسىز.

ءىس-شاراعا رەسەي ەلشىلىگىنىڭ قازاقستانداعى اسكەري اتتاشەسى تال­عات يۋماديلوۆ, قازاقستان رەس­­پۋبليكاسى قورعانىس مينيس­تر­لىگىنىڭ, «اتامنىڭ اماناتى» قو­عامدىق قورىنىڭ وكىل­دەرى, سوعىس ارداگەرى كامەن جۇمانوۆتىڭ قىزى مادەنيەت اياپباەۆا جانە زيالى قاۋىم وكىلدەرى قاتىستى. 

– ۇلى وتان سوعىسى جيىرماسىنشى عاسىردىڭ ۇلى قاسىرەتى. بيىل جەڭىستىڭ 76 جىلدىعىن اتاپ وتتىك. ەل پرەزيدەنتى قاسىم-جومارت توقاەۆ ء«بىزدىڭ حال­قى­مىز جەڭىسكە ءوزىنىڭ شەكسىز ۇلەسىن قوستى. بابالارىمىزدىڭ ەر­لىگى جەر بەتىندەگى بەيبىتشىلىكتى ساق­تاپ قالدى» دەپ اتاپ وتكەن بولاتىن, – دەدى وبلىس اكىمى ەرمەك مار­جىقپاەۆ, – ەرلەردىڭ ەسىمى ەشقاشان ۇمىتىلمايدى.

سالتاناتتى شارادا تالعات يۋماديلوۆ اعىمداعى جىلدىڭ ءساۋىر ايىندا «پيونەر» ىز­دەۋ وتريادىنىڭ وكىلدەرى رجەۆ قا­لاسىنىڭ ماڭىنان قازاقستاندىق ءۇش جاۋىنگەردىڭ ءمايىتى مەن ەكى مەدالون تاۋىپ العاندىعى تۋرالى كەڭىنەن تولعاپ ايتىپ بەردى. ەكى مەدالون يەسى اق­مو­لا وبلىسىنىڭ قورعالجىن اۋدا­نىنىڭ جاۋىنگەرلەرىنە تيە­سىلى ەكەندىگى انىقتالعان. قور­عالجىندىق كامەن جۇمانوۆ پەن تو­لەۋباي جۇمابەكوۆ اۋداندىق اسكەري كوميسارياتتان مايدانعا بىرگە اتتانعان ەكەن. 1942 جىلدىڭ 21 اقپان كۇنى قاندىكويلەك جولداستار ءبىر كۇندە قازا تاپسا كەرەك.

– اكەم قان مايدانعا ات­تانعاندا مەن نەبارى ءۇش جاس­تا­ ەكەنمىن. اكەم­نىڭ بەينەسىن تەك ويشا عانا ەلەس­تەتىنمىن. مىنە­كەي مەن دە سەكسەننەن استىم, – دەيدى كامەن جۇ­مانوۆتىڭ قىزى مادەنيەت اياپ­باەۆا, – كوزىمنىڭ تىرىسىندە اكەم­نىڭ رۋحىمەن قاۋىشتىرعان ەلگە مىڭ العىس. 

جاۋىنگەرلەردىڭ ءمايىتى تۋعان جەرلەرى قورعالجىندا جەر قوي­ناۋىنا تاپسىرىلدى.