سپورت • 18 ماۋسىم، 2021

«شۆەيتساريا تۋرى»: فۋلسانگ – ۇزدىكتەر قاتارىندا

16 رەت كورسەتىلدى

Astana – Premier Tech ۆەلوكومان­دا­سىنىڭ دانيالىق كاپيتانى ياكوب فۋلسانگ شۆەيتساريا تاسجولدارىندا ءوز مارەسىنە جەتكەن ءبىر اپتالىق «شۆەي­تساريا تۋرىندا» ۇزدىك ۇشتىكتىڭ قاتارىنان كورىندى. كوپ­كۇن­دىكتىڭ سوڭعى كەزەڭىندە ۆەلوشاباندوزدار ءبىرىنشى ساناتتاعى ەكى قيىن اسۋدى جانە قيىن­دىعى جوعارى ساناتتاعى سەن-گوتارد شىڭىن باعىندىردى.

شۆەي­تساريانىڭ كۋرورتتى ايماعى اندەر­ماتت قالاسىندا وتكەن سوڭعى سەگىزىنشى كە­زەڭدە ۆەلوشاباندوزدار 160 شاقىرىم جولدى ءجۇرىپ ءوتتى. كەزەڭ باستالعان ساتتەن باستاپ Astana – Premier Tech ۆەلو­كومانداسىنىڭ سپورت­شى­لارى وتە بەلسەندى بولدى. ناتي­جەسىن­دە ومار فرايلە جارىس جولىنىڭ باسىم بولىگىن كوش­باسىنداعى نەگىزگى توپتا وتكىزدى. سەن-گوتتارد تاۋىنىڭ بوكتەرىندە كوشباسشى توپ ىدىرادى. سودان كەيىن ومار فرايلە ياكوب فۋلسانگقا كومەكتەسۋ ءۇشىن پەلوتونعا قايتا ورالدى.

قازاقستاندىق-كانادالىق كو­مان­دانىڭ دات شاباندوزى جۇلدەلى ورىنعا يە بولۋ ءۇشىن قارسىلاستارىنا قارسى شا­بۋىلعا شىعۋعا بەل بۋدى. بىرنەشە ۇمتى­لىستان كەيىن فۋلسانگ فاۆوريتتەر توبىندا ىرىكتەۋ جۇرگىزىپ، باستى قارسىلاسى نەمىس شاباندوزى ماكسيميليان شاح­ماندى توپتان شىعاردى. تومەن ءتۇسۋ كەزىندە بار كۇش-جىگەرىن سالىپ، شاح­مانعا جاقىنداۋعا مۇمكىندىك بەرمەدى. وسىلايشا ياكوب فۋلسانگ شاحماننان 12 سەكۋند العا وزىپ، كەزەڭدە 9-ناتيجە كورسەتتى. وسى كورسەتكىشتىڭ ءوزى وعان «شۆەي­تساريا تۋرىنىڭ» قورىتىندى جالپى كلاسسيفيكاتسياسىندا ءۇشىنشى بولۋ ءۇشىن جەتكىلىكتى بولدى.

سوڭعى كەزەڭدە Dimension Data كومان­داسىنىڭ شۆەيتساريالىق وكىلى دجينو مەدەر جەڭىسكە جەتتى. ول 160 شاقىرىمدى 4 ساعات 6 مينۋت 25 سەكۋندتا ءجۇرىپ ءوتتى. ال كانادالىق مايكل ۆۋدس (Israel Start-Up Nation) مارە سىزىعىن ەكىنشى بولىپ كەسسە، يتاليالىق ماتتيا كاتتانەو (Deceuninck-Quick Step) ۇزدىك ۇشتىكتى تۇيىندەدى.

جالپى كەزەڭنىڭ قورىتىندىسى بو­­يىنشا 2019 جىلعى «دجيرو د’يتاليا» جارىسىندا توپ جارعان ەكۆادورلىق ريچارد كاراپاس (Ineos Grenadiers) جەڭىمپاز اتاندى. ال كولۋمبيانىڭ ۇزدىگى ريگوبەرتو ۋران (EF Education-Nippo) ەكىنشى ورىنعا يە بولدى. كاراپاستان 1 مينۋت 15 سەكۋندقا قالىپ قويعان ياكوب فۋلسانگ «شۆەيتساريا تۋرىنىڭ» قولا جۇلدەسىن قاناعات تۇتتى.

ءبىر اپتاعا سوزىلعان ۆەلوسپورت­شى­لاردىڭ باسەكەسىندە Astana – Premier Tech كاپيتانى ياكوب فۋلسانگ ەكىنشى جانە سەگىزىنشى كەزەڭدە ۇزدىك وندىقتىڭ قاتارىنا ەنسە، بەسىنشى تاۋلى كەزەڭىندە جارىستى ەكىنشى بولىپ اياقتادى. مارەگە 15 شاقىرىم قالعاندا فاۆوريتتەر توبىنان شابۋىلداعان فۋلسانگ كەيىنىرەك جەكە-دارا كوش باستاعان ەدى. الايدا ما­رە­گە جاقىنداعاندا ونى ەكۆادورلىق ريچارد كاراپاس باسىپ وزىپ، كەزەڭ جەڭىم­پازى اتانىپ كەتتى.

«شۆەيتساريا تۋرىندا» جۇلدەلى ورىننان كورىنگەنىمە قۋانىشتىمىن. ەندى مەن ەل چەمپيوناتىنا قاتىسۋ ءۇشىن ءوز وتانىما ورالامىن. ال سودان كەيىن ءبىزدى «تۋر دە فرانس» دوداسى كۇتىپ تۇر. سونىمەن، الدا كوپتەگەن ماڭىزدى جارىس­تار بار جانە دۇرىس باعىتتا كەلە جاتىرمىن دەپ ويلايمىن. مەنىڭ بيىلعى باستى ماقساتىم – وليمپيا ويىندارىندا باق سىناۋ»، دەدى ياكوب فۋلسانگ.

سوڭعى جاڭالىقتار

اقتوبەدە كارانتين جەڭىلدەدى

كوروناۆيرۋس • بۇگىن، 16:15

9 سۋ قويماسى سالىنادى

ەكولوگيا • كەشە

ۇقساس جاڭالىقتار