بۇل تاراپتار اراسىنداعى اتىستى توقتاتۋ تۋرالى شەشىمنەن كەيىن ءبىر اپتا ىشىندە جاسالعان ەكىنشى شابۋىل. يزرايل گازا سەكتورىنا العاشقى سوققىنى 16 ماۋسىم, سارسەنبىدە جاسادى.
Associated Press باسىلىمىنىڭ مالىمەتى بويىنشا, يزرايل گازا سەكتورى اۋماعىنان جارىلعىش قۇرىلعىلار مەن جانعىش زاتتارى بار شارلار ۇشىرىلۋىنا جاۋاپ رەتىندە حاماس نىساندارىنا شابۋىل جاساعان. بۇل ەۆرەي مەملەكەتىنىڭ اۋماعىندا ءورت شىعۋىنا سەبەپ بولعان. پالەستينالىقتاردىڭ مۇنداي شابۋىلدارى ءۇشىنشى كۇن قاتارىنان جالعاسىپ جاتىر.
ەسكە سالايىق, 10 مامىردا يەرۋساليم, بەيت-شەمەش جانە ەلدىڭ وڭتۇستىگىندە اۋە شابۋىلى جايىندا قاۋىپ-قاتەر دابىلىن سوققان بولاتىن. زىمىرانمەن جاسالعان سوققىلارعا جاۋاپكەرشىلىكتى حاماس اسكەرى ءوز موينىنا الدى.
يزريال حاماس قوزعالىسىنىڭ اسكەري نىساندارىنا گازا سەكتورىنان زىمىرانمەن سوققى جاساعان. بۇل حاماس ۇيىمىنىڭ شابۋىلىنا قارىمتا جاۋاپ دەيدى يزرايل تاراپى. 21 مامىردا يزرايل مەن حاماس اتىستى توقتاتۋعا كەلىسكەن.
