ءبىلىم • 18 ماۋسىم، 2021

ۋنيۆەرسيتەتتەرىمىز – ۇزدىكتەر قاتارىندا

28 رەت كورسەتىلدى

وتاندىق جوعارى وقۋ ورىندارى Quacquarelli Symonds World University Rankings حالىقارالىق اكادەميالىق رەيتينگىنە ەنىپ، ۇزدىكتەر قاتارىنان كورىندى.

QS WUR (Quacquarelli Symonds World University Rankings) حالىق­ارا­لىق اكادە­ميالىق رەيتينگى – الەم­دەگى ەڭ بەدەلدى رەيتينگتەردىڭ ءبىرى. دۇنيە جۇزىندەگى ۋنيۆەرسيتەت­تەرگە جىل سايىن باعا بەرىپ، ءتۇرلى ساناتتار بويىنشا كور­سەتكىش ناتي­جەلەرىن جاريالاپ وتىرادى. سول QS WUR رەيتينگتىڭ بيىلعى تىزىمىنە 14 قازاقستاندىق جوو ەندى. ونىڭ كەي­بىرى بۇرىنعى ورنىن ساقتاپ قالسا، ەندى ءبىرى جوعارىلاعان. ايتالىق ءال-فارابي اتىنداعى قازاق ۇلتتىق ۋني­­ۆەر­سيتەتى كەزەكتى رەت 175-ورىنعا تۇراقتاپ، الەم­دەگى 200 ۇزدىك ۋنيۆەر­سيتەتتىڭ قاتارىنان كورىندى. ال ل.ن.گۋميلەۆ اتىن­دا­عى ەۋرازيا ۇلتتىق ۋني­ۆەر­سي­تەتى 90 پوزي­تسياعا كوتە­رىلىپ 328-ورىندى، مۇح­تار اۋەزوۆ اتىنداعى وڭتۇس­تىك قازاقستان ۋنيۆەرسيتەتى 482-ورىن­دى يەلەنىپ، ۇزدىك 500 وقۋ ورنى­نىڭ تىزىمىنە ەندى. سونىمەن قاتار رەيتينگكە Satbayev University، قازاق ۇلتتىق اگرار­لىق زەرت­تەۋ ۋنيۆەر­سيتەتى، اباي اتىنداعى قازاق ۇلتتىق پەدا­­گوگيكالىق ۋنيۆەرسيتەتى، س.ج.اسفەندياروۆ اتىنداعى قازاق ۇلت­تىق مەديتسينا ۋني­ۆەر­سيتەتى كىردى.

– رەيتينگ تاريحىنا كوز جۇگىرتسەك، بيىل ونىڭ قۇرا­مىنا قازاقستاندىق جوعارى وقۋ ورىندارىنىڭ رەكوردتىق سانى كىردى. رەيتينگكە ەنگى­زىلگەن 14 جو­عارى وقۋ ورنىنىڭ جە­تەۋى سوڭعى جىلى ءوز پوزيتسيالارىن جاقسارتا ءتۇستى. بۇل قازاقستاندىق جوعارى ءبىلىم­نىڭ حالىقارالىق دەڭگەيدەگى تا­نى­مالدىلىعىنىڭ ارتا تۇس­كەنىن كور­سەتەدى، – دەدى جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويباەۆ.

مينيسترلىك وكىلىنىڭ ما­لىم­­دەۋىن­شە، جوعارى وقۋ ورىن­دارىنىڭ پوزيتسيالارىن ەسەپتەۋ كەزىندە رەيتينگتە اكا­دەميالىق توپتار مەن جۇ­­مىس بەرۋشى ۇيىم وكىلدەرىنەن جينال­عان ساۋالدامالاردىڭ ناتي­جەلەرى، سونداي-اق 2015 جىلدان باستاپ 2019 جىل­عا دەيىنگى كەزەڭ­دەگى 14،7 ملن جاريالانىم ەسكەرىل­گەن. الەمدىك رەيتينگتەردە ىل­گەرى­لەۋ – قازاقستاندىق ءبىلىم بەرۋ ساپا­سىنىڭ ودان ءارى جاقسارا ءتۇسۋىنىڭ جانە ۋني­ۆەر­سيتەتتەردىڭ جوعارى مار­تەبەسىنىڭ دالەلى.

بىلتىر 601-650 ورىندا بولعان اباي اتىنداعى قازاق ۇلتتىق پەدا­گوگيكالىق ۋنيۆەرسيتەتى بيىل 50 ورىن­عا كوتەرىلىپ، 551-560 قاتار­عا تۇراق­تادى. اتالعان وقۋ ورنى­نىڭ جا­قىندا تاعايىندالعان رەكتورى دارحان ءبىلالوۆ جۇ­مىسپەن قامتىل­عان تۇلەك­تەردىڭ ۇلەسى جوعارى ناتيجە كورسەتۋگە سەپتىگىن تيگىزگەنىن ايتتى.

– مۇنداي جوعارى رەيتينگكە ءبىزدىڭ ۋنيۆەرسيتەتتىڭ اكادەميالىق ورتاداعى بەدەلى، سونداي-اق تابىستى جۇمىس­پەن (95%) قامتىلعان تۇلەك­تەرىمىزدىڭ ۇلت تاربيەسى مەن بىلى­مىنە ۇلەس قو­سۋى اسەر ەتتى. ءبىز نەگىزگى جۇمىس بەرۋ­­­شىلەرى­مىزبەن بەلسەندى قارىم-قاتى­ناس ورناتىپ وتىرمىز. ۋنيۆەر­سيتەتتىڭ  حالىقارالىق دەڭگەيگە كوتە­رىلۋى اباي اتىنداعى قازۇپۋ-دىڭ بۇ­رىن­عى باسشىسى تاكير بالىق­باەۆتىڭ باستامالارى مەن قول­داۋىنىڭ ناتيجەسى ەكە­نىن اتاپ وتكەن ءجون. اباي ۋني­ۆەر­سيتەتىنىڭ وتان­­­دىق جانە الەمدىك دەڭگەيدە دا­مۋى­نا وقى­تۋشىلار مەن عالىم-زەرت­تەۋ­­شى­لەردىڭ قوسقان ۇلەسى دە ەرەكشە. بۇ­عان ءبىلىم بەرۋ سالا­سىنداعى ۇلتتىق جانە حالىقارالىق رەيتينگ­تەردەگى كور­سەتك­ىشتەردىڭ تۇراقتى ءوسۋى دالەل بولا الادى. تۇپتەپ كەل­گەندە، بۇل – ۇجىم جۇرگىزىپ وتىر­عان جەمىستى جۇ­مىس­تىڭ سەنىمدى كورسەتكىشى، – دەيدى رەك­تور.

قوسا كەتەيىك، رەيتينگتى شى­عارۋدا QS ساراپشىلارى الەم­نىڭ 93 ەلىنەن 1 673-تەن اسا ۋنيۆە­رسيتەتتىڭ دەرەكتەرىن تالدادى. رەيتينگكە 1 300 جوعارى وقۋ ورنى كىردى. بۇل رەيتينگ 14،7 ملن-نان اساتىن عىلىمي جاريا­لانىمعا تالداۋ جاساۋ، 96 ملن-نان كوپ دايەكسوزدى ەسكەرۋ، 450 مىڭ­نان اسا جۇمىس بەرۋشى مەن اكا­دەميالىق قوعامداستىقتىڭ 2 ملن وكىلىنەن ساۋالداما الۋ ار­قىلى جاسالدى.

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار