قازاقستان • 17 ماۋسىم، 2021

ەكىنشى وتاندىق ۆاكتسينا سىناقتان ءوتىپ جاتىر

2692 رەت كورسەتىلدى

ەلىمىزدە 15 ماۋ­سىم­نان باستاپ تاعى ءبىر وتاندىق ۆاك­تسينا­نىڭ كليني­­كالىق ­زەرت­تەۋلەرى باس­تالدى. سovid-19-عا قارسى بۇل جا­ڭا ۆاكتسينا «QazCoVac-P» دەپ اتالدى. ونىڭ سى­ناعى تاراز قالاسىنداعى كوپ­بەيىندى قالالىق اۋرۋحانادا 18-50 جاس ارالىعىنداعى ەرىكتىلەردى تار­تۋ ارقىلى جۇرگىزىلەدى. بۇل جاڭا­لىقتى بيولوگيالىق قاۋىپسىزدىك پروب­لەمالارىنىڭ عىلىمي-زەرتتەۋ ينستيتۋتى حابارلادى.

سovid-19-دىڭ الدىن الۋعا ارنالعان جاڭا ۆاكتسينالىق پرەپارات – SARS-CoV-2 كوروناۆيرۋسىنىڭ جاساندى سينتەزدەلگەن اقۋىزدارى نەگىزىندە ازىرلەنگەن QazCoVac-P سۋببىرلىك ۆاكتسيناسى. ءبىلىم جانە عىلىم مينيسترلىگى عىلىم كوميتەتىنىڭ بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتى اتالعان ۆاكتسينانىڭ كلي­نيكالىق زەرتتەۋلەرىنىڭ I جانە II فازاسىن جۇرگىزۋگە دەنساۋلىق ساقتاۋ مينيسترلىگىنىڭ رۇقساتىن الدى.

بۇل – دەنساۋلىق ساقتاۋ مي­نيسترلىگىنىڭ مامانداندىرىلعان كاسىپورنىندا كلينيكاعا دەيىنگى سىناقتاردان ءساتتى وتكەن جانە ءوزىنىڭ قاۋىپسىزدىگىن كورسەتكەن بقپعزي-ءدىڭ ەكىنشى ۆاكتسيناسى. ازىرلەۋشىلەر مولەكۋلالىق بيولوگيانىڭ زاماناۋي تەحنولوگيالارىن قولدانۋ ارقىلى SARS-CoV-2 كوروناۆيرۋسىنىڭ يممۋندىق جۇيەمەن تانىلاتىن RBD جانە N اقۋىزدارىن شىعا­راتىن باكتەريالاردىڭ شتامدارىن الا الدى.

«ۆاكتسينانىڭ قاۋىپسىزدىگىن قامتاماسىز ەتۋ ءۇشىن الىنعان اقۋىز­داردى كۇردەلى تازارتۋدىڭ بار­لىق كەزەڭى جۇرگىزىلدى جانە ساپا باقىلاۋىنان ءوتتى. ولار­­دىڭ قۇرامىندا ۆيرۋس جوق. زەرت­حانالىق جانۋار­لارعا سالىنعان ۆاكتسينا ەكىنشى دوزانى بۇلشىقەت ىشىنە ەنگىزگەننەن كەيىنگى 14-ءشى تاۋلىكتە يممۋنيتەتتى دامى­تۋعا ىقپال ەتەدى. يناكتيۆ­تەلگەن ۆاكتسينالاردىڭ قۇرا­مىنداعى سياقتى سۋببىرلىكتى ۆاكتسينالاردىڭ قۇرامىندا دا پاتوگەننىڭ ءتىرى كومپونەنتتەرى جوق جانە وتە قاۋىپسىز»، دەيدى ينستيتۋت وكىلدەرى.

ينستيتۋت مالىمەتى بويىنشا، ۆاكتسينانىڭ قۇرامىنداعى اديۋۆانت يممۋندىق رەاكتسيا تۋدىرۋعا اسەر ەتەدى جانە ۆاك­تسي­نالانۋشىنىڭ اعزاسىنا تەرىس ىقپالىن تيگىزبەيدى. سەبەبى بۇل ۆاك­تسينانىڭ قۇرامىنا تەك قاجەت­تى انتيگەندەر كىرەدى جانە ۆيرۋس­تىڭ باسقا قۇرامداس بولشەكتەرى جوق. سۋببىرلىكتى ۆاك­تسينادان كەيىنگى جاناما اسەر­لەر سيرەك كەزدەسەدى. ۆاكتسي­نانىڭ بۇل ءتۇرىنىڭ مىسالى رەتىن­دە تۇماۋعا، ۆ گەپاتيتىنە، پنەۆ­موكوكقا، مەنين­گوكوكقا، گەمو­فيلدى ينفەك­تسيالارعا قارسى جانە باسقا دا ۆاك­تسينالار­دى اتاۋعا بولادى.

كلينيكالىق زەرتتەۋلەردىڭ ءساتتى ءوتۋى سۋببىرلىكتى ۆاكتسينا ار­قىلى ۆاكتسينالانعانداردىڭ كون­تينگەنتىن كەڭەيتۋگە جانە ەلىمىزدە كوروناۆيرۋسقا قارسى ۇجىمدىق يممۋنيتەتتىڭ قالىپ­تاسۋىن تەزدەتۋگە مۇمكىندىك بەرەدى.

 

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار