پاۆلوداردا تورايعىروۆ كوشەسى, 75/3 مەكەنجايىندا سالىنىپ جاتقان ءۇش قاباتتى ءۇي جارتىلاي قۇلاعان.
وقيعا تۋرالى حابارلاما ساعات 19:39-دا كەلىپ تۇسكەن.
وقىس جايتتىڭ ورىن الۋىنا ەدەندەردىڭ بۇزىلۋى سەبەپ بولعان. ەكى قاباتتاعى قۇلاعان اۋماقتىڭ الاڭى - 60 شارشى مەتر.
«توتەنشە جاعداي ورنىنا پاۆلودار وبلىسى تج دەپارتامەنتىنەن 12 قىزمەتكەر مەن 3 تەحنيكا, اپاتتار مەديتسيناسى ورتالىعىنان 3 قىزمەتكەر جانە 1 تەحنيكا جەدەل شىقتى. قۇتقارۋشىلار زارداپ شەككەن ءۇش ەر ادامدى تاپتى. 1987 جىلعى ەر ادام جابىق باسسۇيەك مي جاراقاتى, باس ميىنىڭ شايقالۋى, ساننىڭ جىرتىلۋى, 1996 جىلعى ەر ادام جابىق باسسۇيەك مي جاراقاتى, باس ميىنىڭ شايقالۋى, وڭ قولىنىڭ جىرتىلۋىمەن جəنە 1993 جىلعى ەر ادام ناقتىلانباعان دياگنوزبەن اۋرۋحاناعا جەتكىزىلدى. اپاتتار مەديتسيناسى ورتالىعىنىڭ قىزمەتكەرلەرى العاشقى مەديتسينالىق كومەك كورسەتتى», دەپ حابارلايدى تجد.
قۇقىق قورعاۋ ورگاندارى قازاقستان رەسپۋبليكاسى قك 277-بابى بويىنشا سوتقا دەيىنگى تەرگەۋدى باستادى. وقيعانىڭ سەبەپ-سالدارى انىقتالىپ جاتىر.
