تۋريزم • 17 ماۋسىم، 2021

قازاقستاندا eQonaq بىرىڭعاي اقپاراتتىق جۇيەسى ىسكە قوسىلدى

14 رەت كورسەتىلدى

نۇر-سۇلتاندا تۋريستەردى ەسەپكە الۋ، تۋريستىك اعىندى تالداۋ جانە كوشى-قون باقىلاۋىن جۇزەگە اسىرۋعا ارنالعان eQonaq بىرىڭعاي اقپاراتتىق جۇيەسى ىسكە قوسىلدى، دەپ حابارلايدى Egemen.kz.

جوبا اياسىندا شەتەلدەن كەلۋشىلەردىڭ تەك سانىن ەمەس، ەلدە قانشا كۇن بولاتىنىن، قانداي قىزمەتتەردى پايدالاناتىنىن بىلۋگە بولادى.

«ەندىگى مىندەت كەلۋشىلەر تۋرالى مالىمەتتەردى - قوناقۇيلەردەگى بار اقپاراتتى الىپ، تالداپ، eQonaq جۇيەسىنە ەنگىزۋ»، دەپ حابارلايدى «Kazakh Tourism» ۇلتتىق كومپانياسىنىڭ باسقارما توراعاسى ەرجان ەركىنباەۆ.

ازىرلەۋشىلەردىڭ ايتۋىنشا، «eQonaq» قر تۋريستىك سالاسىن دامىتۋدىڭ 2019-2025 جىلدارعا ارنالعان مەملەكەتتىك باعدارلاماسىنىڭ جۇيەلى شاراسى رەتىندە ىسكە اسىرىلىپ وتىر جانە باستاپقىدا تۋريستىك اعىن ستاتيستيكاسىن رەتتەۋدى كوزدەگەن.

سونداي-اق وتكەن جىلدىڭ قاڭتارىندا پرەزيدەنت شەتەلدىك تۋريستەردى مىندەتتى تىركەۋدى توقتاتتى. ەندى بۇل قىزمەتتى شەتەلدىك تۇراتىن ورىندار (قوناقۇيلەر) اتقارادى. ال كوشى-قون قىزمەتتەرىنە اقپارات بەرۋدىڭ ودان ارعى پروتسەستەرىن وڭايلاتۋ ءۇشىن «eQonaq» جۇيەسى وسى مىندەتتەرگە ساي ينتەگراتسيالاندى.

قازىر  جۇيە نۇر-سۇلتان جانە الماتى قالالارىندا، سونداي-اق اقمولا جانە سولتۇستىك قازاقستان وبلىستارىندا 383 ورىندا (قوناقۇيلەر، حوستەلدەر، دەمالىس ۇيلەرى جانە ت.ب.) ەنگىزىلدى.

سونىمەن قاتار جۇيەنى جاساۋشىلار «Ashyq» جۇيەسىمەن ينتەگراتسيانى جوسپارلاپ وتىر.

«Ashyq جۇيەسىنىڭ ارقاسىندا ءبىز كينوتەاترلارعا، ءدامحانالار مەن مەيرامحانالارعا قايتا بارا باستادىق. ول ءۇشىن تەك ءوزىڭىزدىڭ جسن-دى ەنگىزىپ، QR-كودتى سكانەرلەۋ قاجەت. الايدا شەتەلدىكتەر قازاقستاندىق جسن-سىز جۇيەنى پايدالانا المايدى، جۇيەدە شەتەلدىكتەر تۋرالى دەرەكتەر جوق. بۇل دەرەكتەر ءبىزدىڭ eQonaq جۇيەسىندە بار. بۇل تۋريستەرگە ەل ىشىندە جۇرۋگە مۇمكىندىك بەرەدى، سونىمەن قاتار ءبىز ءۇشىن دە تۋريستەر ورنالاسقان جەرلەردى عانا ەمەس، سونىمەن بىرگە ولار باراتىن جەرلەردى دە تالداۋعا مۇمكىندىك بەرەدى. بۇل تۋريزم سالاسىنداعى ينفراقۇرىلىمدى جوسپارلاۋ كەزىندە كومەكتەسەدى، ويتكەنى ءبىز ناقتى تۋريستىك اعىندى كورە الامىز»، دەدى ەرجان ەركىنباەۆ.

وسى جىلدىڭ ماۋسىمىندا جۇيەنى الاكول، بالقاش، اتىراۋ جانە اقتاۋ قوناقۇيلەرىندە ەنگىزۋ جوسپارلانعان. جىل سوڭىنا دەيىن ەلىمىزدىڭ باسقا دا تۋريستىك ايماقتارىن قامتۋ ارقىلى «eQonaq» جۇيەسى بار قوناقۇيلەر سانىن 600-گە دەيىن جەتكىزۋ جوسپارلانىپ وتىر.

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار