قازاقستان • 17 ماۋسىم، 2021

ەىۇ-داعى ەلدەردىڭ سىبايلاس جەمقورلىققا قارسى ورگان باسشىلارى باس قوستى

16 رەت كورسەتىلدى

قر سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى م. احمەتجانوۆ ەىۇ-عا مۇشە مەملەكەتتەردىڭ سىبايلاس جەمقورلىققا قارسى ورگاندارى باسشىلارىنىڭ وتىرىسىنا قاتىستى، دەپ حابارلايدى Egemen.kz.

16 ماۋسىمدا قازاقستاندىق دەلەگاتسيا تاشكەنتتە (وزبەكستان) ەكونوميكالىق ىنتىماقتاستىق ۇيىمىنا قاتىسۋشى ەلدەردىڭ سىبايلاس جەمقورلىققا قارسى ورگاندارى باسشىلارىنىڭ جانە ومبۋدسمەندەرىنىڭ 4-ءشى وتىرىسىنا قاتىستى.

ورتالىق ازيا مەن تاياۋ شىعىستىڭ 10 مەملەكەتىنىڭ سىبايلاس جەمقورلىققا قارسى ۆەدومستۆولارىنىڭ وكىلدەرى سىبايلاس جەمقورلىققا قارسى ساياساتتى دامىتۋ جانە سىبايلاس جەمقورلىققا قارسى ءىس-قيمىل سالاسىنداعى ءوزارا ءىس-قيمىل ماسەلەلەرىن تالقىلادى.

م. احمەتجانوۆ قازاقستاندا قىلمىستىق-قۇقىقتىق سالادا، سونداي-اق سىبايلاس جەمقورلىققا قارسى ءىس-قيمىل جانە تسيفرلاندىرۋ سالاسىندا جۇرگىزىلىپ جاتقان رەفورمالار تۋرالى حابارلادى. ول وسى باعىتتاردا قابىلدانعان شارالار كەشەنى قازاقستانعا زاڭ ۇستەمدىگىنىڭ حالىقارالىق رەيتينگىسىندە 128 مەملەكەتتىڭ ىشىندە 62-ورىندى الۋعا مۇمكىندىك بەرگەنىن اتاپ ءوتتى. دۇنيەجۇزىلىك بانكتىڭ سىبايلاس جەمقورلىقتى باقىلاۋ ينديكاتورى بويىنشا قازاقستان 2 جىل ىشىندە ءوز كورسەتكىشتەرىن 2 ەسەدەن استامعا جاقسارتتى.

ا

سونىمەن قاتار 8 جىل ىشىندە قازاقستان سىبايلاس جەمقورلىقتى قابىلداۋ يندەكسىندەگى (Transparency International) پوزيتسياسىن 133-تەن 94-ورىنعا دەيىن جاقسارتتى.

ءىس-شاراعا قاتىسۋشىلار سىبايلاس جەمقورلىققا قارسى زاڭنامانى جەتىلدىرۋ، قىلمىستىق سوت ءىسىن جۇرگىزۋ جانە مەملەكەتتىك قىزمەتتەر كورسەتۋ سالالارىندا تسيفرلىق تەحنولوگيالاردى قولدانۋ، سونداي-اق قىلمىستىق پروتسەستىڭ ءۇش بۋىندى مودەلىن ەنگىزۋ بويىنشا قازاقستاننىڭ تاجىريبەسىن وڭ اتاپ ءوتتى.

ساپار اياسىندا م. احمەتجانوۆتىڭ وزبەكستان مەن تاجىكستاننىڭ سىبايلاس جەمقورلىققا قارسى ورگاندارىنىڭ باسشىلارىمەن ەكىجاقتى كەزدەسۋلەرى وتكىزدى.

وزبەكستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىمەن ءوزارا تۇسىنىستىك تۋرالى مەموراندۋمعا قول قويىلدى.

سوڭعى جاڭالىقتار

ەرتەڭىن ويلاعان ەكپە الادى

كوروناۆيرۋس • بۇگىن، 16:53

ۇقساس جاڭالىقتار