جاڭادان اشىلعان ورتالىقتا جەدەل جاردەم قىزمەتكەرلەرىنە العاشقى مەديتسينالىق جانە ادام ومىرىنە قاۋىپ تونگەن جاعدايلاردا شۇعىل كومەك كورسەتۋ بويىنشا كاسىبي بىلىكتىلىكتەرىن ارتتىرۋعا پراكتيكالىق تۇرعىدا ءدارىس وتەدى. بۇل ءۇشىن ورتالىقتا كەڭەيتىلگەن جۇرەك-وكپە رەانيماتسياسى ءۇشىن كوپ فۋنكتسيالى وقۋ مانەكەنى, تىنىس الۋ جولدارىنىڭ فۋنكتسيونالدى باقىلاۋ ترەناجەرى, كوكتامىر ىشىنە ەنگىزۋگە ارنالعان جاتتىعۋ جاستىقشاسى, اۆتوماتتى سىرتقى دەفيبريللياتور سىندى 50 ءتۇرلى وقىتۋ قۇرىلعىلارى بار.
مەديتسينا ماماندارىن وقىتۋعا ارنالعان جابدىقتار اۆتوماتتى تۇردە جۇمىس ىستەيدى. ياعني, پراكتيكالىق تۇرعىدا جەدەل كومەك كورسەتۋ بارىسىنداعى ماماننىڭ دۇرىس ءارى بۇرىس ارەكەتىن قۇرىلعى ارنايى تۇستەر ارقىلى باعالاپ, باعىت-باعدار بەرىپ وتىرادى.
سونداي-اق جەدەل جاردەم ستانتسياسىنا ءتورت ورىندىق سانيتارلىق كولىك بەرىلدى. زاماناۋي جابدىقتالعان اۆتومابيلدە وكپەنى جاساندى جەلدەتۋ اپپاراتى, دەفيبريللياتور جانە كارديوستيمۋلياتور, رەانيماتسيا سومكەسى, كۇيىككە قارسى قۇرىلعىلار سىندى جەدەل كومەك كورسەتۋگە ارنالعان قۇرال-جابدىقتاردىڭ بارلىعى بار.
ايتا كەتەيىك, قالاداعى جەدەل جاردەم ستانتسياسى جانىنان اشىلعان سيمۋلياتسيالىق ورتالىق ەلىمىزدەگى جوعارى تەحنولوگيالىق قۇرىلعىلارمەن جابدىقتالعان جالعىز ورتالىق.
