پرەزيدەنت • 16 ماۋسىم، 2021

قازاقستان پرەزيدەنتى يسلام الەمىنىڭ عىلىمي الەۋەتى زور ەكەنىن ايتتى

14 رەت كورسەتىلدى

بۇل تۋرالى قازاقستان پرەزيدەنتى «عىلىم، تەحنولوگيا جانە يننوۆاتسيا: جاڭا بەلەستەرگە جول اشۋ» اتتى سامميتتە ايتتى، دەپ حابارلايدى Egemen.kz.

پرەزيدەنت ءوز سوزىندە ەلدەرىمىزدىڭ كەلەشەگى عىلىمي-تەحنيكالىق جانە يننوۆاتسيالىق دامۋ سالاسىنداعى جەتىستىكتەرگە بايلانىستى ەكەنىنە سەنىم ءبىلدىردى.

«يسلام الەمىنىڭ عىلىمي الەۋەتى زور دەگەن ورتاق پىكىردى قولدايمىز. الايدا ادام كاپيتالىن دامىتۋدا، اسىرەسە ساپالى ءبىلىم بەرۋ ىسىندەگى ينۆەستيتسيالاردىڭ كولەمىن ارتتىرۋىمىز قاجەت. سونىمەن قاتار عىلىمي ىقپالداستىعىمىزدى نىعايتىپ، دامىتۋ وتە ماڭىزدى بولىپ وتىر. ءدال وسى شارالاردىڭ ارقاسىندا يسلام الەمىنىڭ عىلىم مەن يننوۆاتسيا سالاسىنداعى ابىرويىن ارتتىرا الامىز»، دەدى مەملەكەت باسشىسى.

قازاقستان پرەزيدەنتى بىرىككەن اراب امىرلىكتەرىنىڭ ۇكىمەتىن جانە حالقىن ەل تاۋەلسىزدىگىنىڭ 50 جىلدىعىمەن جانە ء«ال-امال» سپۋتنيگىنىڭ مارس وربيتاسىنا ءساتتى شىعۋىمەن قۇتتىقتادى.

سونداي-اق مەملەكەت باسشىسى بۇل جەتىستىكتىڭ بارشا يسلام الەمى ءۇشىن اسا ماڭىزدى ەكەنىن اتاپ ءوتتى.

سوڭعى جاڭالىقتار

جەڭىس داۋىسى

تاريح • كەشە

ەرتەڭىن ويلاعان ەكپە الادى

كوروناۆيرۋس • كەشە

ۇقساس جاڭالىقتار