ايماقتار • 16 ماۋسىم، 2021

تۇرمەگە تەلەفون وتكىزبەك بولعان كەلىنشەك ۇستالدى

13 رەت كورسەتىلدى

تۇرمەدەگى كۇيەۋىنە اياق كيىم اپارىپ، تابانىنا تەلەفون جاسىرعان اقتوبەلىك ايەل ۇستالدى، دەپ حابارلايدى Egemen.kz.

اقتوبە وبلىسى بويىنشا قىلمىستىق-اتقارۋ جۇيەسى دەپارتامەنتى، پوليتسيا دەپارتامەنتى جانە ۇلتتىق ۇلان 6655 اسكەري ءبولىمىنىڭ اسكەري قىزمەتشىلەرى «اسىرا لاقتىرۋ» جەدەل-الدىن الۋ شاراسىن وتكىزدى.

ناتيجەسىندە، كا-168/2 مەكەمەسىنىڭ نەگىزگى قورشاۋى ارقىلى مەكەمەگە تىيىم سالىنعان زاتتارى بار ءۇش تۇيىنشەكتى لاقتىرۋعا تىرىسقان 26 جاستاعى اقتوبەلىك ۇستالدى. تەكسەرۋ كەزىندە ازاماتتان ءۇش زات انىقتالدى. ونىڭ ەكەۋى ۇيالى تەلەفون جانە بىرەۋى ەرەكشە ءيىسى بار جاسىل ءتۇستى وسىمدىكتەكتەس زات. ازاماتتىڭ جەكە تۇلعاسىن انىقتاۋ بارىسىندا، ونىڭ بۇرىن سوتتالعانى انىقتالدى.

سونىمەن بىرگە كا-168/1 تەرگەۋ يزولياتورىنىڭ قىزمەتكەرلەرى 33 جاستاعى ايەل اكەلگەن زاتتاردى تەكسەرىپ، اياق كيىم تابانىنا مۇقيات جاسىرىلعان 2 شاعىن ۇيالى تەلەفون جانە USB شنۋرىن تاركىلەندى.

«ەكى جاعداي مەكەمەنىڭ اقپاراتتى ەسەپكە الۋ كىتابىندا تىركەلدى. ءبىرىنشى دەرەك بويىنشا سوتقا دەيىنگى تەرگەۋ باستالدى. ەكىنشى دەرەك بويىنشا كۇيەۋى ءۇشىن زاڭ بۇزعان ايەل اكىمشىلىك جاۋاپقا تارتىلادى»، دەيدى اقتوبە وبلىسى بويىنشا قاج دەپارتامەنتىنىڭ باستىعى الماس شاميشەۆ.

ايتا كەتەيىك، جىل باسىنان بەرى ەسىرتكى زاتتارىن جاسىرىن تۇردە وتكىزبەك بولعان 8 جاعداي انىقتالعان.

ال «اسىرا لاقتىرۋ» شاراسى كەزىندە 20 ۇيالى تەلەفون، 20 sim كارتا، 9 قۇلاققاپ، 6 قۋاتتاعىش، 1 فلەش-كارتا، 2 ۇيالى تەلەفون باتارەياسى تاركىلەندى.

سوڭعى جاڭالىقتار

ەرتەڭ ۇكىمەت وتىرىسى وتەدى

ۇكىمەت • بۇگىن، 15:00

شاپپا شوت پەن «قۇيرىقتى» پىشاق

ايماقتار • بۇگىن، 08:32

جاڭاوزەندەگى جىلىجاي

ايماقتار • بۇگىن، 08:30

توي تويلاۋ توقتاماي تۇر

كوروناۆيرۋس • بۇگىن، 08:24

ۇقساس جاڭالىقتار