ەكونوميكا • 15 ماۋسىم، 2021

سەناتورلار ەلورداداعى قۇرىلىس زاۋىتىنا باردى

13 رەت كورسەتىلدى

سەناتتىڭ ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتىنىڭ دەپۋتاتتارى نۇر-سۇلتان قالاسىنداعى ءمودۋلدى قۇرىلىس زاۋىتىنا باردى، دەپ حابارلايدى Egemen.kz.

كاسىپورىندا اقش، سينگاپۋر جانە گەرمانيادا قولدانىلاتىن كولەمدى-بولىكتى ءۇي قۇرىلىسىنىڭ يننوۆاتسيالىق تەحنولوگيالارى قولدانىلدى، سونىڭ ارقاسىندا الەمدەگى ۇزدىك تاجىريبەلەر پايدالانىلىپ كولەمدى بلوك-مودۋلدەردىڭ ءوندىرىسى جاسالدى.

كومپانيا قىزمەتىنىڭ نەگىزگى باعىتى قۇراستىرمالى تەمىربەتون بۇيىمدارىن كونۆەيەر بويىنشا ءوندىرۋ، سونداي-اق عيماراتتار مەن قۇرىلىستاردى سالۋدا ىلەسپە قۇرىلىس-مونتاجداۋ جۇمىستارىن جۇرگىزۋ بولىپ تابىلادى.

زاۋىت ەڭبەككەرلەرى ەلىمىزدەگى مودۋلدىك قۇرىلىستىڭ دامۋ كەلەشەگى، مۇمكىندىكتەرى مەن پروبلەمالارى تۋرالى سەناتورلارعا ايتىپ بەردى. وتكەن جىلدىڭ شىلدە ايىندا سالىنعان زاۋىتتا تەمىربەتون بۇيىمدارى اۆتوماتتى تۇردە جاسالاتىن اعىندى پروتسەسى قولدانىلادى. بۇل قۇرىلىس مەرزىمىن ءتورت ەسە قىسقارتۋعا مۇمكىندىك بەرەدى.

«جالپى، بۇل ساپار ءمودۋلدى قۇرىلىس تاجىريبەسىن ەنگىزۋ مۇمكىندىگىن زەردەلەۋگە، سونداي-اق قازىرگى پروبلەمالاردى انىقتاۋعا مۇمكىندىك بەرەدى دەپ كۇتىلۋدە. ءتيىستى مەملەكەتتىك ورگاندارمەن بۇدان بىلايعى تالقىلاۋ بارىسىندا ماسەلەلەردى شەشۋ جولدارى انىقتالاتىن بولادى»، دەپ اتاپ ءوتتى سەناتور ءالىمجان قۇرتاەۆ.

قۇرىلىستىڭ بۇل باعىتى 2020-2025 جىلدارعا ارنالعان «نۇرلى جەر» تۇرعىن ءۇي قۇرىلىسى مەملەكەتتىك باعدارلاماسى بويىنشا دامىپ كەلەدى. شارا بارىسىندا مۇنداي كاسىپورىنداردىڭ قۇرىلىسى الماتى جانە شىمكەنت قالالارىندا دا جوسپارلانعانى اتاپ ءوتىلدى.

سوڭعى جاڭالىقتار

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ساحنا سۋرەتكەرى

ونەر • كەشە

ۇقساس جاڭالىقتار