ايماقتار • 15 ماۋسىم، 2021

شىمكەنتتى اۋىزسۋمەن قامتۋ كورسەتكىشىن 98%-عا جەتكىزۋ جوسپارلانۋدا

30 رەت كورسەتىلدى

شىمكەنت قالاسىنىڭ ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى ب.بۋلاتبەكوۆ قالا اكىمدىگىنىڭ «Instagram» پاراقشاسىندا وتكەن تىكەلەي ەفيردە تۇرعىندار ساۋالىنا جاۋاپ بەردى، دەپ حابارلايدى Egemen.kz.

تىكەلەي ەفيردە قالانى ينجەنەرلىك ينفراقۇرىلىممەن قامتۋ جۇمىستارىنىڭ بارىسىن باياندادى. 2021 جىلى قالانى وسى باعىتتا  قامتاماسىز ەتۋ  بويىنشا 85 جوباعا قارجى ءبولىندى. 

باسقارما باسشىسىنىڭ ايتۋىنشا، وتكەن جىلى 19 نىساننىڭ (17 ەلدى مەكەندە) جانە 2 ماگيسترالدى سۋاققىنىڭ قۇرىلىسى اياقتالىپ، 34 مىڭعا جۋىق ادام (12500 ابونەنت) ساپالى اۋىز سۋمەن قامتىلدى.

2021 جىلى 3 ماگيسترالدى سۋاققىنىڭ جانە 9 ەلدى مەكەندەگى (ىنتىماق-2، اسار-2، باتىس، تۇران، سولتۇستىك ساياجاي، جاڭاتالاپ، نۇرتاس، ساۋلە 276 ورام، اقتاس شاعىناۋدانى) اۋىزسۋ نىساندارىنىڭ قۇرىلىس جۇمىستارىن اياقتاپ، اۋىزسۋمەن قامتاماسىز ەتۋ كورسەتكىشىن 98%-عا جەتكىزۋ جوسپارلانۋدا. 

– قازىرگى تاڭدا قالادا 81 ەلد ىمەكەننىڭ 18-ءى (559،5 مىڭ ادام) كارىز جۇيەسىمەن قامتاماسىز ەتىلگەن. 19 نىساننىڭ قۇرىلىس جۇمىستارى باستالدى. بيىل 4 ەلدى مەكەننىڭ جانە 1 ماگيسترالدى كارىز كوللەكتورىنىڭ قۇرىلىسى اياقتالادى.  81 ەلدى مەكەننىڭ 65-ءى ساپالى ەلەكترمەن قامتىلسا، 16 ەلدى مەكەندە ەلەكتر قۋاتى ساپاسىز بولىپ تۇر. بيىل 3 قوسالقى ستانسانىڭ جانە 7 ەلدى مەكەندە قۇرىلىس جۇمىستارى اياقتالادى. 20 مىڭعا جۋىق ادام ساپالى ەلەكتر قۋاتىمەن قامتىلادى، – دەدى باسقارما باسشىسى. 

سونداي-اق قالادا 81 ەلدى مەكەننىڭ 40-ى تابيعي گازبەن تولىق، 33 ەلدى مەكەن جارتىلاي قامتىلعان. بيىل 9 نىساننىڭ قۇرىلىس جۇمىستارى جۇرگىزىلەدى. بۇدان بولەك، جسق دايىن 4 جاڭا جوبا بويىنشا (اقتاس، اقتاس-2، اقجار، ارعىماق) بيۋدجەتتەن قارجىلاندىرۋعا ۇسىنىلدى. جىل سوڭىندا 5 ەلدى مەكەندە 11 مىڭنان استام ادام تابيعي گازعا قول جەتكىزەدى. 

باسقارما باسشىسى ىنتىماق، دوستىق، قايناربۇلاق، شىمسيتي شاعىناۋدانى تۇرعىندارىنىڭ اۋىز سۋ، جارىق جانە تابيعي گاز بويىنشا قويىلعان ساۋالدارىنا جاۋاپ بەردى. جالپى تىكەلەي ەفيرگە 800-دەن استام قالا تۇرعىنى قوسىلدى.

سوڭعى جاڭالىقتار

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ساحنا سۋرەتكەرى

ونەر • كەشە

ۇقساس جاڭالىقتار