ايماقتار • 15 ماۋسىم، 2021

انار جايلعانوۆا جۇمىس ساپارىمەن پاۆلودار وبلىسىندا بولدى

114 رەت كورسەتىلدى

جۇمىس ساپارى بارىسىندا اگەنتتىك توراعاسى انار جايلعانوۆا پاۆلودار وبلىسىنىڭ اكىمى ابىلقايىر سقاقوۆپەن كەزدەستى، دەپ حابارلايدى Egemen.kz.

كەزدەسۋدە مەملەكەتتىك قىزمەت سالاسىن جەتىلدىرۋ جانە مەملەكەتتىك قىزمەت كورسەتۋ ساپاسىن ارتتىرۋ ماسەلەلەرى تالقىلاندى.

«2019 جىلى مەملەكەت باسشىسى «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ بويىنشا مىندەت قويدى، وندا حالىقتىڭ بارلىق تىلەكتەرى جەدەل ەسكەرىلەتىن بولادى. سوندىقتان بۇگىن مەملەكەتتىك قىزمەت سالاسىندا كوپتەگەن جاڭاشىلدىقتار ەنگىزىلۋدە. ولاردىڭ بارلىعى مەملەكەتتىك قىزمەتشىلەردىڭ قۇزىرەتتىلىگى مەن كاسىبيلىگىن، حالىقتىڭ بيلىك ينستيتۋتتارىنا سەنىم دەڭگەيىن ارتتىرۋعا، سىبايلاس جەمقورلىق قۇقىق بۇزۋشىلىقتارىن ازايتۋعا، سونداي-اق مەملەكەتتىڭ جاڭا ەكونوميكالىق ساياساتىن ىسكە اسىرۋ جاعدايىندا مەملەكەتتىك اپپاراتتىڭ تيىمدىلىگىن جوعارىلاتۋعا باعىتتالعان»، دەپ اتاپ ءوتتى انار جايلعانوۆا.

ۆەدومستۆو باسشىسىنا وبلىس اكىمدىگى جانىنداعى سيتۋاتسيالىق ورتالىق تانىستىرىلدى، ول تۋىنداعان قاۋىپ-قاتەرلەر مەن توتەنشە جاعدايلارعا، سونداي-اق ازاماتتاردىڭ وتىنىشتەرىنە جەدەل دەن قويۋعا ارنالعان.

سونىمەن قاتار انار جايلعانوۆا «Open Pavlodar» فرونت-ءوفيسىنىڭ جۇمىسىمەن دە تانىستى.

«Open Pavlodar» الاڭىندا» ء«بىر تەرەزە» قاعيداتى بويىنشا قالاداعى تۇرعىندارعا قاجەتتى قىزمەتتەر، قارجىلىق دامۋ ينستيتۋتتارى، ەكىنشى دەڭگەيدەگى بانكتەر قىزمەت كورسەتەدى، سونداي-اق تسيفرلىق حالىققا قىزمەت كورسەتۋ ورتالىعى جۇمىس ىستەيدى. فرونت-ءوفيستىڭ زاماناۋي تەحنيكالىق جابدىقتالۋى ناقتى ۋاقىت رەجيمىندە ەلەكتروندىق فورماتتا 800-تەن استام مەملەكەتتىك قىزمەتتى پايدالانۋعا مۇمكىندىك بەرەدى.

جاڭا ورتالىق بازاسىندا بارلىعى 5 وپەراتسيالىق زال جۇمىس ىستەيدى، قالالىقتارعا بارىنشا ىڭعايلى بولۋ ءۇشىن كۇتۋ زالى مەن بالالار الاڭى كوزدەلگەن.

بۇدان باسقا، انار جايلعانوۆا پاۆلودار قالاسىنىڭ حالىققا قىزمەت كورسەتۋ ورتالىقتارىنىڭ بىرىندە بولدى. مۇندا 800-دەن استام مەملەكەتتىك قىزمەت كورسەتىلەدى. كۇن سايىن اتالعان ورتالىققا 2000-عا جۋىق ادام كەلەدى.

اگەنتتىك توراعاسى ازاماتتارعا مەملەكەتتىك قىزمەت كورسەتۋ كەزىندە بارىنشا قولايلى جاعداي جاساۋ قاجەتتىگىن اتاپ ءوتتى.

سونداي-اق مەملەكەتتىك باسقارۋ اكادەمياسىنىڭ فيليالى بازاسىندا انار جايلعانوۆا پرەزيدەنتتىك جاستار كادرلىق رەزەرۆىنىڭ قاتىسۋشىلارىمەن كەزدەستى. پاۆلودار وبلىسىنان بارلىعى 16 ادام پرەزيدەنتتىك جاستار كادرلىق رەزەرۆىنە كىردى، ولاردىڭ 6-ى جۇمىسقا ورنالاستىرىلدى.

«كادرلىق رەزەرۆتىڭ ماقساتى، ءبىرىنشى كەزەكتە، جاستار ءۇشىن اشىق الەۋمەتتىك ليفت قۇرۋ. رەزەرۆيستەر، سىزدەرگە مەملەكەتتىك اپپاراتتىڭ جۇمىس ىستەۋ ءستيلىن جوعارى تيىمدىلىك، مەملەكەتتىك قىزمەت كورسەتۋدىڭ جوعارى ساپاسى جانە حالىقپەن جۇمىس ىستەي ءبىلۋ باعىتىنا وزگەرتۋ بويىنشا ءۇمىت ارتىلادى»، دەپ اتاپ ءوتتى انار جايلعانوۆا.

فيليالدىڭ بارلىق اۋديتوريالارى زاماناۋي اپپاراتۋرامەن جابدىقتالعان: پروەكتورلار، «سمارت-كاپ»، ينتەراكتيۆتى پانەلدەر، Internet جەلىسىنە قوسىلعان مونوبلوكتار، بۇل تىڭداۋشىلارعا ساباق ۇدەرىسىندە دە، جوبالاردى ازىرلەۋدە دە بارلىق رەسۋرستاردى پايدالانۋعا مۇمكىندىك بەرەدى. بيىل بىلىكتىلىكتى ارتتىرۋ سەمينارلارىندا 681 ادام وقىتىلدى، 124 مەملەكەتتىك قىزمەتشى قايتا دايارلاۋدان ءوتتى.

پاۆلودار وبلىسىنا جۇمىس ساپارىنىڭ قورىتىندىسى بويىنشا اگەنتتىك توراعاسى انار جايلعانوۆا ءوڭىردىڭ مەملەكەتتىك قىزمەتشىلەرىنە «حالىق ۇنىنە قۇلاق اساتىن مەملەكەت» تۇجىرىمداماسىنا سايكەس جۇمىس ىستەۋدى، مەملەكەتتىك قىزمەتتەر كورسەتۋ سالاسىنداعى وزەكتى ماسەلەلەرگە كوبىرەك كوڭىل ءبولۋدى جانە ازاماتتاردىڭ وتىنىشتەرىنە ۋاقىتىلى دەن قويۋدى تاپسىردى.

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

ۇقساس جاڭالىقتار