بۇل تۋرالى قوعامدىق كوممۋنيكاتسيا ورتالىعىندا وتكەن بريفينگتە وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسى باسشىسىنىڭ ورىنباسارى ەسەنقوس ادىلباەۆ ءمالىم ەتتى.
«قاراكول اۋماعىندا قۋاتى جىلىنا 30 توننانى قۇرايتىن توعاندى بالىق شارۋاشىلىعىن جەكە كاسىپكەر «بولەكباەۆ» قولعا الدى. قۇرىلىس جۇمىستارى قىركۇيەك ايىندا اياقتالادى دەپ جوسپارلانۋدا. شارۋاشىلىقتا 9 بالىق وسىرەتىن قازاندىق بار, 12 ادام جۇمىسپەن قامتىلادى. ال, ەكىنشىسى – «Beluga Queen» جشس. اتالعان مەكەمە «اقتاۋ تەڭىز پورتى» ارنايى ەكونوميكالىق ايماعىندا قۇنى 20 ملرد تەڭگەنى قۇرايتىن بەكىرە بالىعىن ءوندىرۋ بويىنشا اۋقىمدى كەشەن سالۋدى جوسپارلاپ وتىر. جىلىنا 50 توننا ۋىلدىرىق بەرەتىن كاسىپورىننىڭ قۋاتى – 400 توننا. 100 ادام جۇمىسپەن قامتىلادى دەپ جوسپارلاندى», دەدى ەسەنقوس ادىلباەۆ.
ءباسپاسوز كونفەرەنتسياسىنا ماڭعىستاۋ وبلىستىق ينسپەكتسياسى بالىق شارۋاشىلىعى باسقارماسىنىڭ باسشىسى اديزال شيحمەتوۆ قاتىستى. سپيكەر كاسپي تەڭىزىندە انىقتالعان براكونەرلىك فاكتىلەرگە توقتالدى.
«2020 جىلدىڭ 5 ايىندا باسقارما قىزمەتكەرلەرى 90 رەيد وتكىزدى. تەكسەرىس بارىسىندا 24 زاڭبۇزۋشىلىق انىقتادى. ونىڭ ىشىندە 155 كگ بەكىرە تۇقىمداس بالىق, 1 اۋلاۋ قۇرالى, 3 قايىق پەن كولىك قۇرالىنىڭ بار ەكەندىگى ءمالىم بولدى. 1 قىلمىستىق ءىس قوزعالىپ, جاۋاپتى ورگانعا تىركەلدى. زاڭسىز بالىق اۋلاپ, ەرەجەنى بۇزعاندارعا 393 795 تەڭگە اكىمشىلىك ايىپپۇل سالىندى», دەدى اديزال شيحمەتوۆ.
مامانداردىڭ ايتۋىنشا, بالىق شارۋاشىلىعىن دامىتۋ ماقساتىندا الداعى 10 جىلدا بارلىعى 60 ملرد تەڭگەگە جەكە ينۆەستيتسيا تارتۋ جوسپارلعانعان. سايكەسىنشە 24 شارباقتى بالىق شارۋاشىلىعى سالىنىپ, 100 مىڭ توننا بالىق وسىرىلەدى.
