«مەملەكەت باسشىسىنىڭ تاپسىرماسىمەن ءبىز گەولوگيا سالاسىن دامىتۋدىڭ 2021-2025 جىلدارعا ارنالعان ۇلتتىق جوباسىن ازىرلەۋگە كىرىستىك. تولىق زەرتتەلمەگەن شوگىندى باسسەيندەردىڭ مۇناي-گاز الەۋەتىن انىقتاۋ جانە تاۋ-كەن اۋداندارى شەگىندەگى "تەرەڭ گوريزونتتاردى زەرتتەۋ كوزدەلىپ وتىر. جوبانى ىسكە اسىرۋ اۋماقتى زەرتتەۋگە, پايدالى قازبالاردىڭ بولجامدى رەسۋرستارىن باعالاۋعا مۇمكىندىك بەرەدى. سونداي-اق گەولوگيالىق بارلاۋ جۇمىستارى كەزىندە حالىقتى جۇمىسپەن قامتۋعا, ينۆەستيتسيالار تارتۋعا جانە تاۋ-كەن بايىتۋ كومبيناتتارىن سالۋ مەن پايدالانۋ كەزىندە جاڭا جۇمىس ورىندارىن قۇرۋعا مۇمكىندىك بەرەدى. بۇل ءوز كەزەگىندە ءوڭىردىڭ الەۋمەتتىك ماسەلەلەرىن شەشۋگە سەپتىگىن تيگىزەدى», دەدى ماعزۇم مىرزاعاليەۆ حالىققا ەسەپ بەرۋ كەزدەسۋىندە.
بيىل «ۇلتتىق مينەرالدى رەسۋرستار بانكى» اقپاراتتىق جۇيەسى پايدالانۋعا بەرىلەدى. مينيستر اتاپ وتكەندەي, جۇيە ينۆەستورلاردى تارتۋعا مۇمكىندىك بەرەدى.
«گەولوگيالىق اقپاراتتىڭ ەلەكتروندىق بازاسىنا قول جەتكىزۋ مەملەكەتتىك ورگاندار مەن جەر قويناۋىن پايدالانۋشىلاردىڭ ءوزارا قارىم-قاتىناسىن تسيفرلىق فورماتقا كوشىرۋگە مۇمكىندىك بەرەدى. 2020 جىلى ءبارلاۋ/وندىرۋ, گەولوگيالىق اقپاراتتى ساتىپ الۋعا ليتسەنزيالار بەرۋ سەكىلدى بىرقاتار بيزنەس-پروتسەستەر ازىرلەندى, مەملەكەتتىك دەرەكتەر بازاسىمەن ينتەگراتسيالار جۇرگىزىلدى», دەدى ول.
