قازاقستان پوليتسياسى كۇنى مەن قازاقستان رەسپۋبليكاسى تاۋەلسىزدىگىنىڭ 30 جىلدىعىن مەرەكەلەۋ قارساڭىندا جاس پوليتسيا قىزمەتكەرلەرى اراسىندا ەلدىڭ دامۋىنا ەرەكشە ۇلەس قوسقان كورنەكتى تۇلعالارمەن كەزدەسۋ ءوتتى.
كەزدەسۋگە اكتەر, تەاتر جانە كينورەجيسسەر, ستسەناريست, مۇعالىم, قازاقستاننىڭ ەڭبەك ەرى, كسرو مەملەكەتتىك سىيلىعىنىڭ لاۋرەاتى, كسرو حالىق ءارتىسى ءاسانالى ءاشىموۆ پەن قازاقستاننىڭ قوعام قايراتكەرى, فيلولوگيا عىلىمدارىنىڭ كانديداتى, پروفەسسور, ەلىمىزدىڭ ەڭبەك سىڭىرگەن قايراتكەرى, «پاراسات» جانە ەكىنشى دارەجەلى «دوستىق» وردەندەرىنىڭ يەگەرى اسىلى وسمان شاقىرىلعان.
قوناقتار ەگەمەن ەلدىڭ قالىپتاسۋى تۋرالى, تاۋەلسىزدىك جىلدارىنداعى جەتىستىكتەر مەن تابىستار جايلى ايتتى. ءاسانالى ءاشىموۆ ايتۋلى كەزدەسۋدىڭ قۇرمەتىنە پوليتسيا دەپارتامەنتىنىڭ مۇراجايىنا اۆتورلىق كىتاپ سىيلادى.
ء«وز كەزەگىمىزدە قوناقتارعا پوليتسيانىڭ جاس قىزمەتكەرلەرىمەن كەزدەسكەنى ءۇشىن, ىشكى ىستەر ورگاندارىنىڭ جاڭا بۋىن قىزمەتكەرلەرىنىڭ رۋحاني-ادامگەرشىلىك تاربيەسىندەگى دۇرىس قادام بولىپ تابىلاتىن مازمۇندى جانە قىزىقتى ديالوگ ءۇشىن ەرەكشە العىسىمىزدى بىلدىرەمىز», دەدى الماتى قالالىق پد باستىعىنىڭ ورىنباسارى ءابدۋالي ناشاربەكوۆ.
