سپورت • 14 ماۋسىم، 2021

كوماندالىق سايىستا جاپونيا دزيۋدوشىلارى جەڭىسكە جەتتى

64 رەت كورسەتىلدى

بۋداپەشتەگى الەم چەمپيوناتىنىڭ ەڭ سوڭعى كۇنى دزيۋدوشىلار ارالاس كوماندالىق سايىستا مىقتىلاردى انىقتادى. بۇل تارتىس جاپونيا قۇراماسىنىڭ جەڭىسىمەن اياقتالدى، دەپ حابارلايدى Egemen.kz.

كۇن شىعىس ەلىنىڭ وكىلدەرى ايتۋلى دودادا ەكىنشى قۇرامدا ونەر كورسەتكەنىنە قاراماستان بارلىق باسەكەدە ءوز قارسىلاستارىنان باسىم ءتۇستى. توپتىق تۋرنيردە ولار ۋكراينانى ۇتسا، جارتىلاي فينالدا رەسەي قۇراماسىنىڭ تاس-تالقانىن شىعاردى. اقتىق ايقاستا ازيالىقتار فرانتسيانىڭ بالۋاندارىمەن شەبەرلىك بايقاستى. ولار ءوز كەزەگىندە نيدەرلاند، گرۋزيا جانە وزبەكستانىڭ ورەندەرىن جولدارىنان ىعىستىرعان ەدى. فينالدىق سايىستا جاپونيا بالۋاندارىنىڭ قارقىنى تىم كۇشتى بولدى. ولار فرانتسۋزداردى بەت قاراتپاي ۇتىپ، كوماندالىق جارىستىڭ باس جۇلدەسىن ولجالادى. ال قولا مەدال برازيليا مەن وزبەكستاننىڭ دزيۋدوشىلارىنا بۇيىردى.

بۇل جارىستا قازاقستاننىڭ دزيۋدوشىلارى دا ونەر كورسەتكەن ەدى. العاشقى اينالىمدا جەرلەستەرىمىز برازيلتيالىقتاردان 0:3 ەسەبىمەن جەڭىلىپ جاتقانىنا قاراماستان تارازى باسىن تەڭەستىرە الدى. بۇل رەتتە اڭساربەك عاينۋللين (73 كيلو)، ەرسۇلتان مۇزافاروۆ (90 كيلو) جانە ءمولدىر نارىنوۆانىڭ (70 كيلو) ءوز قارسىلاستارىن قاپى قالدىردى. بىراق قوسىمشا كەزدەسۋدە وڭتۇستىك امەريكادان كەلگەن وعىلدانداردىڭ باعى جاندى.

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار