قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىنداعى قازاقستان-قىتاي مەملەكەتتىك شەكاراسى ارقىلى وتكىزۋ پۋنكتتەرى تۋرالى كەلىسىمنىڭ نەگىزىندە 14 ماۋسىمنان باستاپ «نۇر جولى» جانە «دوستىق» اۆتوموبيل وتكىزۋ پۋنكتتەرى جۇمىس ىستەمەيدى.
«قازىرگى ۋاقىتتا قازاقستان-قىتاي شەكاراسىندا 2 تەمىرجول وتكىزۋ پۋنكتى («دوستىق» جانە «التىنكول») جانە 3 اۆتوموبيل («نۇر جولى», «دوستىق», «باقتى») جۇمىس ىستەيتىنىن, ولار ارقىلى جالعاسىپ وتىرعان كارانتيندىك شەكتەۋلەرگە بايلانىستى تەك جۇكتەر مەن تاۋارلاردى وتكىزۋ جۇزەگە اسىرىلاتىنىن ەسكە سالامىز.
كورسەتىلگەن وتكىزۋ پۋنكتتەرى ارقىلى جۇك كولىك قۇرالدارىنىڭ قوزعالىس باعدارلارىن الدىن الا تۇزەتۋ ءۇشىن حابارلايمىز», دەلىنگەن ۇقك ءباسپاسوز قىزمەتىنىڭ حابارلاماسىندا.
