«پاۆلودار وبلىسىندا 15 ماۋسىمنان باستاپ سۋعا شومىلۋ ماۋسىمى اشىلادى», دەپ حابارلادى سانيتاريالىق-ەكپيدەميولوگيالىق باقىلاۋ دەپارتامەنتىنەن.
جاعاجايلاردا شومىلۋ الەۋمەتتىك قاشىقتىقتى ساقتاۋعا جەتكىلىكتى ورىن بولعان كەزدە رۇقسات ەتىلەدى. بۇل رەتتە جاعاجايلىق جابدىقتار (شەزلونگتار, كيىم اۋىستىراتىن ورىندار, اياق جۋاتىن جابدىقتار جانە ت.ب.) ورنالاستىرىلۋى كەرەك. ولاردىڭ سيگنالدىق بەلگىلەرى, شەكتەۋ كەدەرگىلەرى مەن لەنتالارى بولۋى ماڭىزدى.
بۇل تۋرالى ايماقتىق سەبد جانە توتەنشە جاعدايلار دەپارتامەنتىنىڭ وكىلدەرى, باسقارمانىڭ ورمان شارۋاشىلىعى جانە سۋ رەسۋرستارى ءبولىمى باسشىسىنىڭ قاتىسۋىمەن وتكەن بريفينگتە ايتىلدى.
«دەمالىس ايماقتارىنداعى جابىق عيماراتتاردا اۋانى زالالسىزداندىرۋ كۆارتس, باكتەريتسيدتى لامپالار كومەگىمەن جانە اۋانى رەتسيركۋلياتسيالاۋ ارقىلى جۇزەگە اسىرىلۋى ءتيىس. بۇل – وسىنداي نىسانداردىڭ قىزمەت ەتۋىنىڭ مىندەتتى تالابى», دەپ قوسىپ ءوتتى ەپيدەميولوگتار.
