ول جوعارعى كوميسسار ميشەل باچەلەتكە جانە بۇۇ-نىڭ 165 مۇشە مەملەكەتتەردىڭ دەلەگاتسيالارىنا ارنالعان ءسوز سويلەۋىندە 2021 جىلعى 9 ماۋسىمدا قازاقستان رەسپۋبليكاسىنىڭ پرەزيدەنتى قول قويعان «قازاقستان رەسپۋبليكاسىنىڭ ادام قۇقىقتارى سالاسىنداعى ودان ءارى شارالارى تۋرالى» جارلىق جونىندە حابارلادى.
ديپلومات پرەزيدەنت جارلىعىنا سايكەس ۇكىمەت جىل سايىن بۇۇ شارتتىق ورگاندارىمەن جانە بۇۇ-نىڭ شارتتىق ورگاندارىمەن جانە بۇۇ-نىڭ ادام قۇقىقتارى بويىنشا كەڭەسىنىڭ ارناۋلى راسىمدەرىمەن ءوزارا ءىس-قيمىل تەتىكتەرىن جەتىلدىرۋ, ايەلدەرگە قاتىستى كەمسىتۋدى جويۋ, پىكىر ءبىلدىرۋ بوستاندىعىنا قۇقىق, ۇكىمەتتىك ەمەس ۇيىمدارمەن ءوزارا ءىس-قيمىل تيىمدىلىگىن ارتتىرۋ سياقتى جۇمىس باعىتتارىن كوزدەيتىن ادام قۇقىقتارى سالاسىنداعى ءبىرىنشى كەزەكتەگى شارالار جوسپارىن ىسكە اسىرۋ تۋرالى ەسەپ بەرەتىندىگىن جونىندە مالىمدەدى.
سونىمەن قاتار ج. ايتجانوۆا جوعارعى كوميسسار م. باچەلەتتىڭ بايانداماسىندا كوزدەلگەن ادام قۇقىقتارى سالاسىنداعى قازاقستاننىڭ زاڭناماسىنا ەنگىزىلگەن وزگەرىستەردى اتاپ ءوتىپ, كەزدەسۋگە قاتىسۋشىلاردى COVID-19 پاندەمياسىنا بايلانىستى قيىندىقتارعا قاراماستان, 2020 جىلى قازاقستاندا ادام قۇقىقتارىن كوتەرمەلەۋ جانە قورعاۋ ماقساتىندا رەفورمالار ىسكە اسىرىلعانىن حاباردار ەتتى. بەيبىت جينالىستار تۋرالى تۇجىرىمدامالىق جاڭا زاڭدى قابىلداۋ اتالعان بەلگىلى قادامداردىڭ ءبىرى بولىپ تابىلادى. ول حابارلاما سيپاتىن, ارنايى ايماقتاردى ايقىنداۋدى جانە بەيبىت جينالىستاردى وتكىزۋدى رەتتەۋدى وڭايلاتۋدى كوزدەيدى.
قازاقستاننىڭ تۇراقتى وكىلى قازاقستان ادام قۇقىقتارى سالاسىنداعى ءبىرىنشى كەزەكتەگى شارالار جوسپارىن يمپلەمەنتاتسيالاۋدى ۇستاناتىندىعىن مالىمدەدى.
