قوعام • 11 ماۋسىم، 2021

كاسىپكەرلەر تەندەردەن نەگە قاعىلادى؟

57 رەت كورسەتىلدى

مەملەكەت حالىق ۇنىنە قۇلاق اسا ما؟ شىعىس قازاقستاندا شىرىلداعان كاسىپكەرلەر پرەزيدەنت قاسىم-جومارت توقاەۆتان تاعى كومەك سۇرادى.

ايتۋلارىنشا، شىعىستا مەملەكەتتىك ساتىپ الۋ جۇيەسىن جەمقورلىق جايلاپالعان. وڭىردەگى ءبىر توپ كاسىپكەر تەندەردى ادىلەتسىز وتكىزۋدى ادەتكە اينالدىرعان بيلىك وكىلدەرىن جاۋاپكەرشىلىككە تارتۋدى تالاپەتىپ وتىر. ويلارىن ورتاعا سالعان كاسىپكەرلەردىڭ قاتارىندا ءماسليحات دەپۋتاتتارى دا بار.

كاسىپكەرلەردىڭ كوتەرگەن ماسەلەسى بىرەۋ عاناتەندەردىڭ ءادىل ءوتۋى. شىعىستاعى بەلگىلى كاسىپكەر ەرجان سقاقوۆ وبلىستىق اكىمدىكتىڭ وكىلدەرى قويعان شارتپەن كەلىسپەگەن. سودان بەرىكومپانياسى تەندەردەن نەگىزسىز قاعىلىپ قالىپءجۇر. جالپى، سوڭعى جىلدارى وڭىردە مەملەكەتتىك ساتىپ الۋعا قاتىستى داۋ ءورشىپ كەلەدى. ويتكەنى وبلىس اكىمدىگى تەندەردى وزدەرىمەن جۇمىس ىستەۋگە ىڭعايلى كاسىپكەرلەرگە عانا بەرەتىن كورىنەدى.

تەندەردىڭ وبلىستىق اكىمدىككە جاقىنجۇرەتىن ازاماتتارعا عانا بەرىلىپ جاتقانى دۇرىس ەمەس. ال بۇل تۋرالى اشىق ايتقاندارعا قاتىستى قىلمىستىق ءىس قوزعاۋ اقىلعا سىيمايدى، – دەيدى كاسىپكەر رافايل حازيپوۆ.

راس، كاسىپكەرلەر تاراپىنان ءوڭىر باسشىلىعىنا شاعىم كوپ. مىسالى، سەمەيدە قاتتى-تۇرمىستىق قالدىقتار پوليگونىن سالۋ ءۇشىن مۇلدەم ءتيىمسىز نەسيە راسىمدەگىلەرى كەلگەن. ول ءۇشىن
8 ملرد تەڭگە ەمەس، وزگە وبلىستارداعىداي 2 ملن تەڭگەمەن-اق جۇمىس ىستەۋگە بولار ەدى دەپ ەسەپتەيدى دوڭگەلەك ۇستەلدە باس قوسقاندار. راديولوگيالىق كەشەننىڭ قۇرىلىسىنا ءاۋ باستا 6،5 ملرد تەڭگە بولىنگەن ەدى. كەيىن تاعى وسىنداي مولشەردە قارجى بولگەن ەكەن. سەمەيدەگى راديولوگيالىق ورتالىققا دياگنوستيكالىق قوندىرعىلاردى جەتكىزۋگە جاۋاپتى كومپانيا باسشىلىعى دا بۇقارالىق اقپارات قۇرالدارى وكىلدەرىنە ءوز پىكىرىن ءبىلدىردى. ايتۋلارىنشا، سوڭعى 6-7 جىلدان بەرى اتقارعان جۇمىستارى ءۇشىن 2،5 ملرد تەڭگە قارجىسىن ءالى الا الماي ءجۇر. سوتتا دا جەڭىپ شىققان، بىراق بالەندەي ناتيجە جوق.

– بار دۇنيەگە ەكىنشى رەت قايتا قارجى بولىنگەن. 6،5 ملرد تەڭگە. از اقشا ەمەس. نە سەبەپتەن ءبولىندى؟ نەلىكتەن وسى كۇنگە دەيىن جاڭاعى نىساندا جۇمىس اياقتالماعان؟ اقشا قايدا كەتتى؟ ءبىزدىڭ اقشامىز قايدا؟ ايتا بەرسەك، سۇراق وتە كوپ، – دەيدى «مەدتەحنيكا» اق باس ديرەكتورىنىڭ مىندەتىن اتقارۋشى باحتيار ساپيەۆ.

سونىمەن قاتار جىر بولعان سەمەيدەگى جىلۋ ەنەرگيا ورتالىعىنىڭ قۇرىلىسىنا قاتىستى ماسەلە دە كوتەرىلدى. ينۆەستيتسيالىق كەلىسىمشارت ءىرى تۇرىك فيرماسىنىڭ قولىندا بولعانىمەن، سوت ارقىلى ول بۇزىلعان. ال قالا تۇرعىندارى قىستا قازاندىقتان شىققان بۋداق-بۋداق قارا تۇتىننەن تۇنشىعىپ جاتادى. ونىڭ ۇستىنە كوپتەگەن ۇيگە جىلۋ دا جەتپەيدى.

– سەمەي حالقى ءۇشىن قازاندىق اۋاداي قاجەت. قىستا قار بەتى قاپ-قارا بولىپ جاتادى. وڭجاعالاۋدا عانا 48 قازاندىق بار ەدى. بۇگىندە ءبىرازى قىسقارتىلدى. قازاندىقتار ەشقانداي سۇزگىسىز جۇمىس ىستەيدى. شىعارىندىلار كادىمگىدەي اۋاعا تاراپ جاتىر، – دەيدى ينۆەستور كومپانيانىڭ وكىلى ولجاس ەسەنعارين.

ەستە بولسا، بىلتىر وسكەمەندەگى بيزنەسمەندەر تەندەرگە قاتىستى شاعىم ايتقان-تۇعىن. بيىل سەمەيدەگى ءبىر توپ كاسىپكەر وبلىس اكىمىنىڭ جۇمىسىنا كوڭىلى تولمايتىندارىن جەتكىزدى. پىكىر ءبىلدىرىپ قانا قويعان جوق، مەملەكەت باسشىسىنان كومەك سۇراپ اشىق حات جولدادى. ال وبلىس اكىمىنىڭ كەڭەسشىسى ەرماك ءسالىموۆ ءاربىرداۋلى ماسەلە سوتتا قارالۋى كەرەكتىگىن ايتتى.

– مەن وسى كومپانيانىڭ باسشىلىعىمەنتانىسپىن. بۇرىنعى جوبا بويىنشا ولار سەمەي قالاسىندا مەملەكەت-جەكەمەنشىك ارىپتەستىكپەن بەس بالاباقشا سالۋعا نيەت بىلدىرگەن. كەلىسىمشارت بار. ءبىز ولارعا جەر بەردىك. ولاردىڭ قۇقىق بەلگىلەيتىن قۇجاتتارى دا جوق ەمەس. الايدا ولار جۇمىسقا كىرىسكەن جوق. سودان كەيىنگى جوباجىلۋ قازاندىعى ەدى. مىنە، جاۋاپ. ماسەلەنى تەك زاڭ بويىنشا شەشۋ كەرەك. زاڭ بار، سوت بار. ايعاي-شۋ شىعارعان دۇرىس ەمەس، – دەيدى اكىمنىڭ كەڭەسشىسى ە.ءسالىموۆ.

كاسىپكەرلەردىڭ ايتۋىنشا، جەرگىلىكتى بيلىككە قارسى شىققان ادامنىڭ بارىنە قىسىم كورسەتىلەدى. سوندىقتان كوبى ءوز پىكىرلەرىن اشىق ايتۋعا باتا المايدى. دەگەنمەن بۇل جولعى جيىنعا اۋدانداعى ازاماتتار دا ونلاين فورماتتا قوسىلىپ، ادىلەتسىز وتكەن تەندەرلەر تۋرالى بۇكپەسىز ايتتى.

سوڭعى جاڭالىقتار

الماتىداعى احۋال كۇردەلى

ايماقتار • بۇگىن، 19:45

بالالار Ashyq جۇيەسىنە ەنگىزىلە مە؟

قازاقستان • بۇگىن، 19:20

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

ۇقساس جاڭالىقتار