ەل وڭىرلەرىندەگى ەپيدەميالىق احۋالدى باعالاۋ ماتريتساسى بويىنشا «قىزىل ايماقتا» نۇر-سۇلتان قالاسى قالدى. ال «سارى ايماقتا» الماتى قالاسى, اقمولا, اتىراۋ, باتىس قازاقستان, قاراعاندى جانە پاۆلودار وبلىستارى تۇر. قالعان شىمكەنت قالاسى, الماتى, اقتوبە, جامبىل, قوستاناي, قىزىلوردا, ماڭعىستاۋ, شىعىس قازاقستان, سولتۇستىك قازاقستان جانە تۇركىستان وبلىستارى – «جاسىل ايماقتا».
قىزارىپ تۇرعان جالعىز ءوڭىر – ەلوردادا سوڭعى ۋاقىتتا كۆي-مەن سىرقاتتانۋ تومەندەگەنى بايقالادى. دەگەنمەن بۇل وڭ كورسەتكىش ءالى باياۋ بولىپ تۇر. بۇل تۋرالى نۇر-سۇلتان قالاسىنىڭ باس مەملەكەتتىك سانيتارلىق دارىگەرى سارحات بەيسەنوۆا باياندادى.
– سىرقاتتانۋدىڭ تومەندەۋ قارقىنى باياۋ ءوسىپ كەلە جاتقانىن جانە سوڭعى ءۇش اپتادا ورتا ەسەپپەن اپتاسىنا 10%-دان 19%-عا دەيىن تومەندەگەنىن اتاپ وتكىم كەلەدى. بىراق قازىر سovid-19 ىندەتى بويىنشا ناقتى تىركەلگەن جاعدايلار قولايسىز ەپيدەميالىق جاعدايدى كورسەتۋدە جانە قالا «قىزىل ايماقتا» قالا بەرەدى. كۇنىنە 70-تەن 200-گە دەيىن سovid-19 جۇقتىرۋ جاعدايى تىركەلەدى. جىل باسىنان بەرى ەلوردادا سىرقاتتانعاندار سانى 38 مىڭنان استى, پاندەميا باستالعاننان بەرى 57 168 جاعداي تىركەلدى. مامىر ايىنىڭ باسىمەن سالىستىرعاندا 100 مىڭ تۇرعىنعا شاققاندا اپتالىق سىرقاتتانۋ كورسەتكىشى 210-نان 110-عا دەيىن تومەندەدى. ءبىر اپتادا سovid-19 بويىنشا 1 315 جاعداي تىركەلدى, سىرقاتتانۋ كورسەتكىشى الدىڭعى اپتادان 18%-عا تومەن (الدىڭعى اپتادا – 1 617 جاعداي), 100 مىڭ تۇرعىنعا شاققانداعى قارقىندى كورسەتكىش 110,7-ءنى قۇرادى. رەپرودۋكتيۆتى سانى – 0,88, – دەيدى استانانىڭ باس سانيتارى.
سوڭعى تاۋلىكتە ەلوردادا 203 كۆي جاعداي تىركەلگەن. قازىر قالادا ينفەكتسيانىڭ بەلسەندى 1 551 وشاعى بار. مەديتسينالىق باقىلاۋدا بايلانىستا بولعان 4 116 ادام بار.
Ashyq قوسىمشاسىمەن جۇمىس ىستەيتىن نىسانداردا جوبا ەنگىزىلگەن ساتتەن 7 ماۋسىمعا دەيىن ءۇي كارانتينىن بۇزعان 3 140 ادام انىقتالدى, ونىڭ ىشىندە 1 436 ناۋقاس جانە 1 704 بايلانىستا بولعان ادام بار. ال 101 كەلۋشى «قىزىل/سارى» مارتەبەسى بولا تۇرا مەكەمەگە بىرنەشە رەت كەلگەن. س.بەيسەنوۆانىڭ ايتۋىنشا, كوروناۆيرۋس ينفەكتسياسى تارالۋىنىڭ الدىن الۋ ماقساتىندا دەنساۋلىق ساقتاۋ مينيسترلىگى كۆي-مەن اۋىراتىن ناۋقاستار مەن بايلانىستا بولعان ادامدار ءۇشىن وقشاۋلاۋدىڭ مىندەتتى رەجىمىن كوزدەيتىن سانيتارلىق قاعيدالاردى بەكىتتى. 10 ماۋسىمنان باستاپ وقشاۋلاۋ رەجىمىن بۇزعان تۇرعىندارعا 87 510 تەڭگە ايىپپۇل سالىنادى.
«قىزىل ايماقتاعى» قالادا ۆاكتسينالاۋ قارقىنى دا كۇشەيمەي تۇر. سوڭعى ءبىر ايدا بۇل كورسەتكىش 46%-عا تومەندەگەن ەكەن. بۇگىندە استانادا 100-دەن اسا ەكپە كابينەتى جۇمىس ىستەپ تۇر. 9 ماۋسىمداعى جاعداي بويىنشا قالا حالقىنىڭ 9,4%-ى نەمەسە 111 683 ادام ەكى كومپونەنتتى ۆاكتسينانى تولىق الدى. ءبىرىنشى كومپونەنتپەن 169 632 ادام نەمەسە 14,3% قامتىلعان. ساۋدا جانە ويىن-ساۋىق ورتالىقتارى, ساۋدا ۇيلەرى جانىنداعى ۋاقىتشا ەگۋ پۋنكتتەرىندە ءبىرىنشى كومپونەنتپەن 19 742 ادام نەمەسە بارلىق ەگىلگەن حالىقتىڭ 11,6%-ى, ەكىنشى كومپونەنتپەن 9 109 ادام نەمەسە 8,1%-ى ۆاكتسينا سالدىردى.
