سپورت • 09 ماۋسىم, 2021

دزيۋدو: ءتورتىنشى جارىس كۇنىنىڭ جەڭىمپازدارى مەن جۇلدەگەرلەرى انىقتالدى

560 رەت
كورسەتىلدى
1 مين
وقۋ ءۇشىن

بۋداپەشتە ءوتىپ جاتقان الەم چەمپيوناتىندا بۇگىن, ياعني جارىستىڭ ءتورتىنشى كۇنى ەرلەر 81 كيلو جانە ايەلدەر 63 كيلو سالماق دارەجەلەرىنىڭ جۇلدەلەرى ءۇشىن تالاستى, دەپ حابارلايدى Egemen.kz.

دزيۋدو: ءتورتىنشى جارىس كۇنىنىڭ جەڭىمپازدارى مەن جۇلدەگەرلەرى انىقتالدى

ەرلەر اراسىندا باس جۇلدە ءۇشىن بەلگيالىق ماتتيس كااس پەن گرۋزيالىق توتو گريگالاشۆيلي ايقاستى. شيەلەنىستى باسەكەنىڭ قوسىمشا ۋاقىتىندا كااس جەڭىسكە جەتتى. قولا مەدال ءۇشىن باسەكەدە نيدەرلاندتىق فرانك دە ۆيت جاپونيالىق ساتارو فۋدزيۆارانى ۇتسا, پورتۋگاليالىق انري ەگۋتيزدە وزبەكستاندىق شاروفيددين بالتوبوەۆتان باسىم ءتۇستى. 

س

ايەلدەر سايىسىندا كلاريسس اگبەنەنۋگە تەڭ كەلەر ەشكىم تابىلمادى. اتاعى جەر جارعان فرانتسيا دزيۋدوشىسى بارلىق قارسىلاسىن بەت قاراتپاي ۇتىپ, اقتىق  سىندا سلوۆاكيالىق اندرەيا لەكشكيدەن باسىم ءتۇستى. وسىلايشا, اگبەنەنۋ التىننان القا تاعىندى. ال نيدەرلاندتىق ساننە ۆەرمەر مەن سەربيالىق انيا وبرادوۆيچ قولا مەدالدى يەلەندى. 

ەستەرىڭىزگە سالا كەتەيىك, بۇگىن ءبىزدىڭ بالۋاندار اراسىنان تەك ديدار حامزا ونەر كورسەتتى. تۇساۋكەسەر كەزدەسۋىندە ليۆاندىق ناسيف ەلياستى جەڭگەن ول كەلەسى اينالىمدا بولگاريالىق يۆايلو يۆانوۆقا ەسە جىبەردى.

سوڭعى جاڭالىقتار