بۇل تۋرالى حالىققا ەسەپ بەرۋ كەزدەسۋىندە اۋىل شارۋاشىلىعى ءمينيسترى ساپارحان وماروۆ ايتتى.
«وتكەن جىلدىڭ قورىتىندىسى بويىنشا اوك سالاسىندا بارلىق ماكروكورسەتكىشتەر بويىنشا ءوسىم بار. اۋىل شارۋاشىلىعىنىڭ جالپى ءونىمىنىڭ كولەمى 5,7%-عا ۇلعايىپ, 6,3 ترلن تەڭگەگە جەتتى. بۇل ەۋرازيالىق ەكونوميكالىق وداق ەلدەرى اراسىنداعى ەڭ ۇلكەن ءوسىم. سونىمەن قاتار, قازاقستاندا ازىق-ت ۇلىك ءوندىرىسى 4%-عا ءوستى», دەدى مينيستر.
ءمينيستردىڭ دەرەگى بويىنشا, اۋىل شارۋاشىلىعىنىڭ نەگىزگى كاپيتالىنا سالىنعان ينۆەستيتسيالار اعىنى 15%-عا, تاماق ونىمدەرى وندىرىسىنە سالىنعان ينۆەستيتسيا 13,5%-عا ۇلعايدى. ناتيجەسىندە, اوك ينۆەستيتسيالارىنىڭ جالپى كولەمى جوسپارداعىدان 154,2 ملرد تەڭگەگە اسىپ, 677,2 ملرد تەڭگەنى قۇرادى.
«اوك ءوندىرىسىنىڭ ءوسىم كولەمى قايتا وڭدەلگەن اۋىل شارۋاشىلىعى ونىمدەرى ەكسپورتىنىڭ ۇلعايۋىمەن ناقتىلاندى. ول 2019 جىلمەن سالىستىرعاندا 22%-عا وسىپ, 1,3 ملرد اقش دوللارىن قۇرادى. اوك سالاسىندا جۇرگىزىلىپ جاتقان ساياساتتىڭ تيىمدىلىگىن بريتاندىق The Economist جۋرنالى وتكىزەتىن ازىق-ت ۇلىك قاۋىپسىزدىگىنىڭ جاھاندىق رەيتينگى دە راستادى. وندا قازاقستان 2020 جىلدىڭ قورىتىندىسى بويىنشا 16 پوزيتسياعا كوتەرىلىپ, الەمنىڭ 113 ەلىنىڭ اراسىنان 32-ورىنعا يە بولدى», دەپ اتاپ ءوتتى مينيستر ساپارحان وماروۆ.
