وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, تەرميالىق كۇيىك العان ەر ادام اۋرۋحاناعا جاتقىزىلعان.
دەنساۋلىق ساقتاۋ باسقارماسى ەر ادامنىڭ كوز جۇمعانىن حابارلادى.
«جەدەل جاردەمگە قوڭىراۋ ءتۇن ورتاسىندا ءتۇستى. 1989 جىلى تۋعان پاتسيەنتكە دەنەنىڭ 90 پايىزىنىڭ 4 دارەجەلى كۇيىك دياگنوزى قويىلعان. وكىنىشكە وراي, 5:15-تە ەر ادام قايتىس بولدى», دەدى باسقارمادا.
وبلىستىڭ ونەركاسىپتىك قاۋىپسىزدىك دەپارتامەنتىنىڭ اقپاراتى بويىنشا, وندىرىستەگى جازاتايىم وقيعا سالدارىنان «كاستينگ» جشس مەتالل كەسۋشىسى كوز جۇمعان.
«قايعىلى وقيعانى تەرگەۋ ناتيجەسىندە ناقتى سەبەپتەر انىقتالادى. الدىن الا مالىمەتتەر بويىنشا, ءشومىش اشىلىپ, سۇيىق مەتالل قۇيىلىپ كەتكەن», دەپ اتاپ ءوتتى ۆەدومستۆو باسشىسىنىڭ ورىنباسارى دانيار انداسوۆ.
وقيعانى ونەركاسىپتىك قاۋىپسىزدىك دەپارتامەنتى پاۆلودار وبلىسىنىڭ ەڭبەك دەپارتامەنتىمەن بىرلەسىپ تەرگەپ-تەكسەرەتىن بولادى.
