قاۋىپسىزدىك كەڭەسى باس اسسامبلەياعا انتونيو گۋتەرريشتى ەكىنشى بەسجىلدىق مەرزىمگە بۇۇ باس حاتشىسى ەتىپ تاعايىنداۋدى ۇسىندى: 2022 جىلدىڭ قاڭتارىنان 2026 جىلدىڭ 31 جەلتوقسانىنا دەيىن. شەشىم ءبىراۋىزدان قابىلداندى. باس اسسامبلەيادا داۋىس بەرۋ 18 ماۋسىمعا جوسپارلانعان.
«كەڭەس مۇشەلەرىنە ماعان دەگەن سەنىمى ءۇشىن وتە ريزامىن. باس اسسامبلەيا ماعان ەكىنشى ماندات مىندەتتەرىن سەنىپ تاپسىرسا, وتە قۋانار ەدىم», دەلىنگەن گۋتتەريش مالىمدەمەسىندە.
بۇل لاۋازىمعا قازىرگى باس حاتشىدان بولەك تاعى 10 كانديدات ۇمىتكەر بولعان, بىراق ولاردىڭ ەشقايسىسى رەسمي تۇردە بۇۇ-عا مۇشە ەلدەردەن ۇسىنىلعان جوق.
انتونيۋ گۋتەرريش – پورتۋگاليالىق ساياساتكەر. بۇۇ باس حاتشىسى لاۋازىمىنا 2016 جىلى 13 قازاندا ونىڭ كانديداتۋراسىن قاۋىپسىزدىك كەڭەسىنىڭ ۇسىنىمى بويىنشا بۇۇ باس اسسامبلەياسى بەكىتكەننەن كەيىن 2017 جىلى 1 قاڭتاردا كىرىستى.
بۇعان دەيىن قاسىم-جومارت توقاەۆ بۇۇ-نىڭ قازىرگى باس حاتشىسىمەن كەلىسسوزدەر بارىسىندا قازاقستان انتونيۋ گۋتەرريشتىڭ ەكىنشى مەرزىمگە كانديداتۋراسىن قولدايتىنىن مالىمدەگەن بولاتىن.
