ۆارشاۆا – نۇر-سۇلتان – ۆارشاۆا باعىتىنداعى العاشقى رەيس 10 ماۋسىمدا ورىندالادى. ءارى قاراي ەكى ەل استانالارى اراسىنداعى رەيستەر اپتانىڭ دۇيسەنبى كۇندەرى B–737 اۋە كەمەسىمەن ورىندالادى.
مۇنداي شەشىمدى قازاقستان رەسپۋبليكاسىنىڭ اۋماعىندا كوروناۆيرۋستىق ينفەكتسيانىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيا 2021 جىلعى 28 مامىردا قابىلدادى.
قازاقستان مەن پولشا اراسىنداعى رەيستەر سانىن ۇلعايتۋ تۋرالى شەشىم ەپيدەميولوگيالىق جاعدايعا جانە ۆەدومستۆوارالىق كوميسسيانىڭ ءتيىستى شەشىمدەرىنە بايلانىستى قابىلدانادى.
رەيستەر سانيتارلىق-ەپيدەميولوگيالىق تالاپتاردى قاتاڭ ساقتاي وتىرىپ جانە اۋە كومپانياسىنىڭ سايتىندا جاريالانعان كەستەگە سايكەس ورىندالادى.
