ايماقتار • 08 ماۋسىم، 2021

اتىراۋدا ۆاكتسينا سالدىرعاندار سانى 60 مىڭ ادامنان استى

55 رەت كورسەتىلدى

اتىراۋ وبلىسىندا كوروناۆيرۋسقا قارسى ۆاكتسينا سالدىرعاندار سانى 60 مىڭ ادامنان اسىپ وتىر، دەپ حابارلايدى Egemen.kz.

وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ اقپاراتىنا سۇيەنسەك،  7 ماۋسىمدا 918 ادام «سپۋتنيك V»، «QazVac» جانە «Hayat-Vax» ۆاكتسينالارىنىڭ ءى كومپونەنتىن سالدىرىپتى.

«اتىراۋ وبلىسىندا تۇرعىنداردى ۆاكتسينالاۋ ءۇشىن اشىلعان 31 ستاتسيونارلىق، 10 جىلجىمالى بەكەت تۇراقتى جۇمىس ىستەپ تۇر. وتكەن ءبىر تاۋلىكتە Covid-19 ينفەكتسياسىنا قارسى ۆاكتسينا العانداردىڭ اراسىندا 15 مەديتسينا قىزمەتكەرى، 44 پەداگوگ، 9 قۇقىق قورعاۋ ورگاندارىنىڭ وكىلى، 2 پوليتسەي، 4 مەملەكەتتىك قىزمەتكەر، سوزىلمالى اۋرۋمەن اۋىراتىن 4 ادام، 830 تۇرعىن مەن ارنايى مەكەمەنىڭ 1 وكىلى، 9 ستۋدەنت بار. وڭىردە 1 اقپان مەن 7 ماۋسىم ارالىعىندا «سپۋتنيك V»، «QazVac» جانە «Hayat-Vax» ۆاكتسينالارىنىڭ ءى كومپونەنتىن سالدىرعاندار سانى 60 818 ادامعا جەتتى. ۆاكتسينالاردىڭ ءىى كومپونەنتىن 22 767 ادام سالدىردى»، دەپ حابارلادى باسقارمانىڭ ءباسپاسوز قىزمەتى.

 

سوڭعى جاڭالىقتار

ۇقساس جاڭالىقتار