ۇزاق مەرزىمدى كەزدەسۋگە كەلگەن ايەلدى تەكسەرۋ بارىسىندا تۇرمەگە اكەلگەن سالەمدەمەسىنىڭ اراسىنان ەكى دانا ۇيالى تەلەفون مەن وعان قوسىمشا قۋاتتاعىش قۇرال, قۇلاققاپ جانە SIM-كارتا تابىلىپ, تاركىلەنگەن.
سوتتالعاننىڭ ايەلى تەلەفوندى جەكە زاتتارىنىڭ اراسىنا جاسىرىپ, قىزمەتكەرلەرگە وزىمەن بىرگە تىيىم سالعان زاتتاردىڭ جوق ەكەنىن ايتقان. الايدا مەكەمە قىزمەتكەرلەرى تەكسەرۋ كەزىندە مەكەمە اۋماعىنا كىرگىزۋگە تىيىم سالىنعان زاتتاردى الىپ ءوتۋدىڭ تاعى ءبىر دەرەگىنىڭ الدىن الدى.
قىزمەتكەرلەردى الداپ, قۇقىق بۇزۋشىلىققا جول بەرگەنى ءۇشىن سوتتالعاننىڭ ايەلى اكىمشىلىك جاۋاپكەرشىلىككە تارتىلاتىن بولادى جانە وعان زاڭناماعا سايكەس 10 ايلىق ەسەپتىك كورسەتكىش مولشەرىندە ايىپپۇل سالىنۋى مۇمكىن.
اتالعان دەرەك شقو بويىنشا قاج دەپارتامەنتى مەكەمەسىنىڭ ەسەپ جانە اقپارات كىتابىندا تىركەلىپ, قر قك 481-بابىنىڭ 1-بولىگىنە سايكەس پروتسەسسۋالدىق شەشىم قابىلداۋ ءۇشىن قۇجاتتار جينالۋدا.
«ەرەكشە تارتىپتەگى كولونيالاردا اۋىر جانە اسا اۋىر قىلمىستار ءۇشىن سوتتالعاندار جانە بۇرىن بىرنەشە رەت سوتتى بولعان قىلمىسكەرلەر جازاسىن وتەپ جاتىر. مەكەمە تاراپىنان جاسالاتىن ەسكەرتۋلەرگە قاراماستان, سوتتالعانداردىڭ قامقور تۋىستارى مەن تانىستارى مەكەمە اۋماعىنا تىيىم سالىنعان زاتتاردى الىپ وتۋگە تىرىسۋدا. ءبىزدىڭ قىزمەتكەرلەر وسىنداي تىيىم سالىنعان زاتتاردىڭ مەكەمە اۋماعىنا وتپەۋى ءۇشىن قىراعىلىق تانىتىپ, ءوز قىزمەتتەرىن مۇقيات اتقارىپ, قۇقىق بۇزۋشىلىقتىڭ الدىن الۋدا», دەيدى مەكەمە باستىعىنىڭ ورىنباسارى بولات مايزاقوۆ.
