قازىر شىلىكتى اۋىلىنا الىپ باراتىن جول سالىنۋدا. تاسباستاۋ اۋىلىنان باستاپ زايسانعا قاراي سالىنىپ جاتقان تاۋ ىشىندەگى جولدىڭ ۇزىندىعى 60 شاقىرىمدى قۇرايدى.
اۋدان اكىمى سەرىك زينابەك ۇلىنىڭ ايتۋىنشا, جول قۇرىلىسىنا وبلىس قازىناسىنان 1 ميلليارد 800 ميلليون تەڭگە بولىنگەن. جولدىڭ 20 شاقىرىمى اعىمداعى جىلدىڭ سوڭىنا دەيىن اياقتالسا, 40 شاقىرىم جول كەلەسى جىلى تاپسىرىلادى.
سونىمەن قاتار بيىل شىلىكتى اۋىلىنا گاز تارتۋ جۇمىستارى باستالادى. ال ەڭ باستى جاڭالىق – ارحەولوگتار مەن اۋىل ۇلكەندەرى تالاي جىلدان بەرى كۇتكەن شىلىكتى قورىمدارىنىڭ اشىق اسپان استىنداعى مۇراجايى اقىرى سالىناتىن بولدى. اۋدان باسشىلىعىنىڭ مالىمەتىنشە, وبلىس اكىمى دانيال احمەتوۆتىڭ قاتىسۋىمەن الداعى ۋاقىتتا بولاتىن ءباسپاسوز كەزدەسۋىندە بۇل تۋرالى كەڭىنەن تالقىلانىپ, تاپسىرمالار بەرىلەتىن بولادى.
شىلىكتى مەن جالشي اۋىلدارىنىڭ اراسىنا سالىناتىن مۇراجاي-قورىقتىڭ قۇرىلىسىنا وبلىس قازىناسىنان 400-450 ميلليون تەڭگە جۇمسالادى.
