ارنايى باعدارلاما دا جاسالعان. گيمناستيكا مەن يوگا, ەمدىك ماسساج بەن ءتۇرلى جاتتىعۋلار كەستەسى قۇرىلعان. سونداي-اق كولونەر تۇرلەرىن يگەرىپ, كومپيۋتەر تىلىمەن تانىسۋعا مۇمكىندىك بار. نيەت ەتكەندەر قازاقشا جانە اعىلشىنشا ساۋات اشۋىنا دا بولادى. دەگەنمەن, ءبىرىنشى كەزەكتە ەگدە جاسقا جەتكەن جاندار باس قوسىپ, كوڭىل اۋلايتىن تاپتىرماس ورىن.
مەملەكەت ەسەبىنەن قارجىلاندىرىلاتىن ورتالىقتا بارلىق قىزمەت ءتۇرى تەگىن. وبلىس ورتالىعىندا اشىلعان قوس ورتالىققا بيۋدجەتتەن 53 ميلليون تەڭگە ءبولىنىپ وتىر.
«وسىنداي ورتالىقتىڭ اشىلعانىنا وتە قۋانىشتىمىز. سەبەبى مىسالى بىزدەر شامالى سالماعىمىزدى تاستادىق, جولداسىمنىڭ بۋىندارىنىڭ اۋىرعانى كىشكەنە قويدى. مەن ءوزىم دە وسىندا بارۋعا اسىعىپ تۇرامىز. سەبەبى تاڭەرتەڭ تۇرعاننان باستاپ ەمدىك جاتتىعۋلارعا كەلەمىز عوي. سودان كەيىن مىنا قارعالى وزەنىن بويلاپ, سكانديناۆ جۇرىسىنە بارامىز. تازا اۋامەن دەمالىپ, وزەننىڭ بويىندا كوپتەگەن جاتتىعۋلار جاساپ كەلەمىز. مۇنىڭ ءبارى بىزدەر ءۇشىن وتە پايدالى», دەيدى زەينەتكەر گۇلجان ەرەجەپوۆا.
