«3 ماۋسىمدا باتىس-2 اۋدانىندا كوپپاتەرلى ءۇيدىڭ بەسىنشى قاباتىنان 7 جاستاعى بالا قۇلاپ كەتتى. كامەلەتكە تولماعان بالا ءتۇرلى جاراقاتتارمەن اۋرۋحاناعا جەتكىزىلدى. وقيعا كەزىندە بالانىڭ اناسى بىرنەشە مينۋتقا دۇكەنگە كەتكەن, ال بالا ول كەزدە ۇيىقتاپ جاتقان», دەدى وڭىرلىك پوليتسيا دەپارتامەنتىنىڭ ءباسپاسوز قىزمەتى.
وبلىستىق بالالار اۋرۋحاناسىنىڭ باس دارىگەرى ەربول جاپاحوۆ بالانىڭ تۇراقتى-اۋىر حالدە ەكەنىن ايتتى.
«قازىرگى ۋاقىتتا بالانىڭ جاعدايى تۇراقتى-اۋىر. جانساقتاۋ بولىمىندە باقىلاۋدا بولىپ, ەم الادى. ەسىن بىلەدى. ول جابىق مي جاراقاتىن, وكپە, بۇيرەك, باۋىر جاراقاتتارىن العان. وڭ جامباسىندا سىنىق بار, الايدا بالاعا وپەراتسيا قاجەت ەمەس», دەدى دارىگەر.
دارىگەرلەر بالالارعا مۇقيات بولۋ كەرەك ەكەنىن ەسكەرتتى. ۇيىڭىزدەگى جيھازدار بالا ءۇشىن قاۋىپسىز كۇيدە ورنالاسۋى قاجەت. سەبەبى جازاتايىم وقيعانىڭ كوبى بالا نازاردان تىس قالعان كەزدە, جيھاز ارقىلى تەرەزە الدىنا شىعىپ الۋ سالدارىنان بولادى
