اتىراۋدا جويىلىپ كەتۋدىڭ از-اق الدىندا تۇرعان بەكىرە تۇقىمداس بالىقتاردى قورعاۋ ماقساتىندا «بەكىرە-2021» اكتسياسى ءوتتى. ءىس-شارا باستالعالى بالىقتىڭ زاڭسىز اينالىمىنا بايلانىستى 246 قۇقىق بۇزۋشىلىق انىقتالدى. ءتارتىپ ساقشىلارى ءىس-شارا كەزىندە ەكى توننا بالىق تاركىلەسە, ونىڭ ىشىندە ءبىر توننا بەكىرە تۇقىمداس بالىقتارىن, 239 بالىق اۋلاۋ قۇرالدارى جانە 12 سۋ قۇرالدارى تاركىلەندى. «بەكىرە-2021» ءىس-شاراسى كەزىندە 16 قىلمىستىق ءىس قوزعالعان.
– قر IIM-ءنىڭ بۇيرىعىنا سايكەس اعىمداعى جىلعى 1 ءساۋىر جانە 31 مامىر ارالىعىندا جايىق-كاسپي باسسەينى اۋماعىندا باعىتتالعان «بەكىرە-2021» جەدەل-پروفيلاكتيكالىق ءىس-شارا وتكىزىلۋدە. اتالعان ءىس-شارانىڭ ماقساتى بالىق پەن بالىق ونىمدەرىنىڭ زاڭسىز اينالىمىن انىقتاۋعا, الدىن الۋعا جانە جولىن كەسۋگە باعىتتالعان. ءىس-شارا بارىسىندا رەسپۋبليكالىق جانە وبلىستىق تاس جولدارىندا (استراحان, اقتوبە, ورال باعىتىنداعى جانە وبلىستىق يندەر تاس جولى) جانە قالا اۋماعىنداعى اۆتوكولىك جولدارىمەن اينالما دالالىق جولدارىنا 35 موبيلدىك توپتار قىزمەت اتقارۋدا. وبلىس ورتالىعى مەن جايىق وزەنىنىڭ جاعالاۋىندا قوعامدىق قاۋىپسىزدىكتى قامتاماسىز ەتۋ جانە زاڭسىز بالىق اۋلاۋدىڭ الدىن الۋ ماقساتىندا سەگىز جاياۋ باعىت ەكى اۋىسىمدا پاترۋلدەۋ ۇيىمداستىرىلدى. سونىمەن قاتار زاڭسىز بالىق اۋلاۋدىڭ جولىن كەسۋ ءۇشىن, جايىق وزەنى جاعالاۋلارىندا ورنالاسقان قالالىق پوليتسيا باسقارماسىنىڭ جەدەل باسقارۋ ورتالىعىنىڭ 22 بەينەباقىلاۋ كامەرالارىمەن باقىلاۋ جۇرگىزىلۋدە, – دەدى اتىراۋ وبلىسى پد-ءنىڭ باستىعى قامزا ۇمبەتقاليەۆ.
