وقيعا • 03 ماۋسىم, 2021

پاۆلوداردا كولىك اپاتىنان بىرنەشە ادام اۋرۋحاناعا ءتۇستى

206 رەت
كورسەتىلدى
1 مين
وقۋ ءۇشىن

جول-كولىك وقيعاسى لوموۆ-كاتاەۆ كوشەلەرىنىڭ قيىلىسىندا ورىن العان, دەپ حابارلايدى Egemen.kz Pavlodarnews.kz سايتىنا سىلتەمە جاساپ.

پاۆلوداردا كولىك اپاتىنان بىرنەشە ادام اۋرۋحاناعا ءتۇستى

وبلىستىق پوليتسيا دەپارتامەنتىنىڭ مالىمدەۋىنشە, وتكەن تۇندە ساعات 02:07-دە لوموۆ – كاتاەۆ كوشەلەرىنىڭ قيىلىسىندا «مەرسەدەس-گەلەندۆاگەن» مەن «لادا-كالينا» كولىكتەرى سوقتىعىسقان.

- وقيعا سالدارىنان 1993 جىلى تۋعان ايەل ادام اۋرۋحاناعا جاتقىزىلدى. اتالعان فاكت بويىنشا ساراپتاما تاعايىندالدى. تەكسەرۋ جۇرگىزىلۋدە, - دەپ حابارلادى پوليتسيا دارتامەنتى.

وبلىستىق دەنساۋلىق ساقتاۋ باسقارماسى ءۇش ادام زارداپ شەككەنىن حابارلادى.

- 1993 جىلى تۋعان ايەل ادام جامباس سۇيەكتەرى, قابىرعالارىنىڭ سىنۋى جانە كەۋدە جاراقاتىمەن اۋرۋحاناعا جاتقىزىلدى. 1993 جىلعى ەر ادام ميدىڭ شايقالۋى, باس تەرىسىنىڭ زاقىمدانۋىمەن ۇيدە ەمدەلۋگە جىبەرىلدى, - دەدى باسقارمادا.

سونداي-اق باسقارما 1991 جىلعى ماس كۇيدە بولعان ەر ادام باس تەرىسىنىڭ زاقىمدانۋىمەن نەيروحيرۋرگيالىق بولىمشەگە جاتقىزىلعان, الايدا ول ءوز ەركىمەن قابىلداۋ بولىمشەسىنەن كەتكەنىن مالىمدەدى.

سوڭعى جاڭالىقتار