انەۋگۇنى وتستاۆكاداعى پولكوۆنيك داۋلەت كاسەنوۆ جازۋشى قاليحان ىسقاقتىڭ بۇرىن-سوڭدى جارىققا شىعا قويماعان فوتوسىن كورسەتكەن. ءوزىنىڭ جەكە قورىندا ساقتاپ كەلگەن ەكەن. سۋرەتتە ادەبيەتتىڭ قارا نارى قاليحان ىسقاق تۋعان اۋىلى توپقايىڭنىڭ ءور جاعىندا جۋرناليسكە سۇحبات بەرىپ وتىر. ارعى جاعىنداعى قوڭقاي تاۋى دا كوزگە وتتاي باسىلدى.
– 1992 جىلى توپقايىڭدا تۇسىرىلگەن فوتو. ۇيدەگى ەسكى البومداردىڭ اراسىندا جاتقان. سۇحبات الىپ وتىرعان تەلەجۋرناليست سانيازبەك نۇعىمانوۆ, – دەدى جانى رۋحانياتقا جاقىن د.كاسەنوۆ.
ينتەرنەت ءداۋىرى ەمەس پە, جازۋشى مەن ءجۋرناليستىڭ وسىدان وتىز جىلداي بۇرىن تۇسىرىلگەن اق-قارا فوتوسىن الەۋمەتتىك جەلىگە جۇكتەي قويعانمىن. سالدەن سوڭ قاليحان ىسقاقتان سول زاماندا سۇحبات الىپ وتىرعان تەلەجۋرناليست سانيازبەك نۇعىمانوۆ حابارلاستى:
– وسى فوتونى ىزدەپ تاپپاي قويىپ ەدىم, قايدان تاۋىپ الدىڭ؟ – دەدى بالاشا قۋانىپ. – ول كەزدەگى سۇحبات باسقاشا بولدى-اۋ دەيمىن... ەسىمدە قالعانى: «اعا, دەمالىسىڭىزدا نەگە شەتەلدىڭ تاماشاسىن كورمەدىڭىز؟» دەگەنىمە: ء«اي باۋىرىم-اي, ءار كىمنىڭ تۋعان جەرى – مىسىر شاhaرى ەمەس پە؟! ال كاتون مەن ءۇشىن جەر بەتىندەگى – جۇماق», دەگەن ەدى. ەفيرگە شىققاندا, سىرلى سۇحبات بولعان سەكىلدى ەدى. ودان بەرى وتىز جىل ءوتتى. ۇمىتىپ تا قالىپپىن, – دەدى ارداگەر تەلەجۋرناليست سانيازبەك نۇعىمانوۆ.
ايتۋىنشا, سول جولى ارداگەر جۋرناليست كاتونقاراعايدا بۇعى شارۋاشىلىعىنان دا رەپورتاج جاساعان ەكەن. جول-جونەكەي توپقايىڭعا بۇرىلىپ, قاليحان ىسقاقپەن اڭگىمەلەسىپتى. قايتا ورالمايتىن سول ءبىر ءساتتى وپەراتورى فوتوعا تارتىپ العان. ء«بىر ءسات جانە بۇكىل عۇمىر» دەگەن وسى شىعار.
شىعىس قازاقستان وبلىسى
