ءبىلىم سالاسىنداعى ىقپالداستىققا ماڭىز بەرىلدى

كەشە پرەمەر-مينيستر كارىم ءماسىموۆ تمد ەلدەرى ءبىلىم بەرۋ جۇيەسى قىزمەتكەرلەرىنىڭ ءى سەزىنە كەلگەن ءازىربايجان, ارمەنيا, بەلارۋس, قىرعىزستان, رەسەي جانە تاجىكستان دەلەگاتسيالارى باسشىلارىمەن كەزدەستى, دەپ حابارلادى پرەمەر-ءمينيستردىڭ ءباسپاسوز قىزمەتى. كەزدەسۋگە تمد-عا مۇشە مەم­لەكەتتەردىڭ ءبىلىم بەرۋ سالاسىن­داعى قىزمەتتەستىك جونىندەگى كەڭەسىنىڭ توراعاسى ۆاسيلي ستراجەۆ, رەسەي فەدەراتسياسىنىڭ ءبىلىم جانە عىلىم ءمينيسترى اندرەي فۋرسەنكو, ارمەنيا رەس­پۋبليكاسىنىڭ ءبىلىم جانە عىلىم ۆيتسە-ءمينيسترى مانۋك مكرتچيان جانە باسقالار قاتىستى. پرەمەر-مينيستر فورۋمنىڭ دوستاستىق ەلدەرىنىڭ ءبىلىم بەرۋ قاۋىمداستىعىنىڭ ينتەگرا­تسيا­لا­نۋىن­داعى, مەملەكەتارالىق قىز­مەت­تەستىكتى دامىتۋ مەن ءبىلىم بەرۋ ۇدەرىسىن مودەرنيزاتسيالاۋداعى ماڭىزدىلىعىن اتاپ كورسەتتى. ول قوناقتارعا قازاقستاننىڭ 2020 جىل­عا دەيىنگى دامۋىنىڭ ستراتە­گيا­لىق جوسپارىندا بەلگىلەنگەن ەلدىڭ داعدارىستان كەيىنگى دامۋىنىڭ جاڭا مىندەتتەرىن ەسكەرە وتىرىپ, مەملەكەت باسشىسىنىڭ تاپسىر­ما­سى بويىنشا ازىرلەنگەن قازاقستان رەسپۋبليكاسىندا 2011-2020 جىل­دا­رى ءبىلىم بەرۋدى دامىتۋدىڭ مەم­لەكەتتىك باعدارلاماسى جونىندە باياندادى. سەزگە قاتىسۋشىلار فورۋمدى ۇيىمداستىرۋ مەن وتكىزۋدىڭ جوعارى دارەجەدە بولعانى ءۇشىن ريزاشى­لىق­تارىن ءبىلدىرىپ, استانادا وتكەن سەزدىڭ قازاقستان رەسپۋبلي­كا­سىن­دا ءبىلىم بەرۋ سالاسىندا جۇرگىزىلىپ جاتقان رەفورمالارعا دوستاس­تىق­تىڭ پەداگوگتار قاۋىمى بەرگەن جوعارى باعالارىنا ناقتى دالەل بولاتىندىعىن اتاپ كورسەتتى.